مو قادره اروح اي مكان من الدوخه :(

السلام عليكم ورحمه الله وبركاته

شلونكم بنات … الله يسهل عليكم يارب ..
انا حامل بالشهر السادس وحمالي هذا ولله الحمد على كل حال تعب من اول شهر .. بسبب نزيف اول ثلاث اشهر وكان توأم ومات واحد وعاش واحد … يعني تعبانه شوي

المهم انا عندي بنات وتعرفون يبون لهم اغراض من ملابس من طلبات هذا من غير التدريس بما اني مدرسه وببلش تدريس الكورس الياي لان المجلس الطبي رفضو يمددون لي الاجازه

بس مشكلتي مو قادره اروح اي مكان يعني لمن اروح سوق او جمعيه حدي حدي ربع ساعه بعدين احس بدوخه ووهن مووووووووووو طبيعي مافيني طاقه كلش وما اقدر امشي كلش كلش كلش احس ريولي ماتشيلي ورجفه وتعب شديد شديد .. وربي احس اني انسانه ثانيه
وحتى لمن اروح زواره لاحد اهلنا ما اقدر اقعد اكثر من ساعه ساعه ونص بعدها احس بتعب ودوخه واعياء مع اني مو باذله اي مجهود بس قاعده ..هذا من غير عوار البطن والظهر الله المستعان .. سويت تحاليل كان معي الهيموجلوبين ناقص بس بشي بسيط على قوله الدكتور مايذكر يعني .. وباقي تحاليلي والحمدلله زينه مافيني شي ..
ابي اعرف فيه احد مثلي جذي … ولا بس انا
واسمحو لي كثر قرقره …^_^