مين جربت عملية صنفرة الوجه ؟

السلام عليكم

كيفكم خواتي انا مسجله جديده بالمنتدى وماشالله منتداكم راقي ومتكامل بمعنى الكلمه
كنت اتابعكم بدون تسجيل وعجبني فيكم تعاونكم وحماسكم وخبراتكم
ومواضيعكم الاكثر من رائعه

انا عندي مشكله اثار حب الشباب ندبات على خدودي
ودا الشهر سويت جلستي التانيه الفراكشنال ليزر co2 + حقن البلازما

وللاسف مو ملاحظه اي تحسن او تغير مجرد الي لاحظتو نظاره بسيطه جدااا
والبقع تبع حب الشباب راحت اما من ناحية الندوب مو ملاحظه فيها اي شي
وانا صراحه متملله انو افضل كل شهر اساوي الليزر وبالنهايه بدون نتيجه ملحوظه

لانو الدكتور مقرر ليا 5 جلسات فراكشنال ليزر + 4 حقن بلازما

صحيح انا لساتني بتاني جلسه لليزر وكمان ماكملت عليها اسبوع
لكن الي قاهرني انو الندبات هيا هيا مو شايفه فيها تغير

المهم حابه اسأل من خلال مشكلتي فيه وحده منكم عملت او جربت عملية صنفرة الوجه ؟؟؟
لانو فيها تخدير كامل وتنويم وشغلانه وحابه اسأل احد يفيدني يكون مجربها اويعرف عنها شي
بعد التعب دا كلو تستاهل ولاكيف ؟؟؟؟؟؟؟؟؟؟؟

بليييييز ساعدوني …
ولكم خالص ودي