بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
قوه بنات شلونكم شخباركم اتمنى انكم تكونون بخير 
بصراحه هالموضوع هذا صار له فتره في بالي وافكر فيه فقررت اني انزله بالمنتدى واخذ اراءكم
طبعا بالكويت عندنا اربع نائبات الي اهم:
الدكتوره سلوى الجسار
الدكتوره اسيل العوضي
الدكتوره رولا دشتي
الدكتوره معصومه المبارك
هالاربع نائبات الي وصلو للبرلمان هل يستحقون الوصول للبرلمان وكل هالاصوات الي رشحتهم والا وجودهم مثل عدمهم او العكس
يعني شايفين انهم حققو انجاز او اخدمو الديره بشي
يلا بنات ابي تفاعل منكم وعطوني رايكم لان رايكم يهمني حيييييييل والموضوع حده مهم
يلا ناطره تفاعلكم
قوه بنات شلونكم شخباركم اتمنى انكم تكونون بخير
بصراحه هالموضوع هذا صار له فتره في بالي وافكر فيه فقررت اني انزله بالمنتدى واخذ اراءكم
طبعا بالكويت عندنا اربع نائبات الي اهم:
الدكتوره سلوى الجسار
الدكتوره اسيل العوضي
الدكتوره رولا دشتي
الدكتوره معصومه المبارك
هالاربع نائبات الي وصلو للبرلمان هل يستحقون الوصول للبرلمان وكل هالاصوات الي رشحتهم والا وجودهم مثل عدمهم او العكس
يعني شايفين انهم حققو انجاز او اخدمو الديره بشي
يلا بنات ابي تفاعل منكم وعطوني رايكم لان رايكم يهمني حيييييييل والموضوع حده مهم
يلا ناطره تفاعلكم
انا ما كنت مأيده دخولهم من الاول
لأنه ما في مره لما الحين ممكن تمثلنا بالشكل الصحيح
والمجلس هذا بصراحه انا اسميه مجلس البدون
لأنه كله يدورون حلول للبدون وابناء الكويتيات اللي ماخذين بدون او وافدين
والكويت واهل الكويت ما نسمع عنهم شي
مانبي شي منهم خل يطالبون على الأقل بحقوقنا من الخدم اللي مشاكلهم زادت
واذا الخدامه انحاشت وقعدت سنه تفتر بخيطان والحساوى اخر شي تسلم نفسها
والكفيل غصبن عليه يدفع تذكرتها
وغيرها
البيوت اللي الواحد ما يسكن بيته الا عياله طوله
يامعوده خليها على الله
الحريم كمالة عدد و بس
والبيت والرجال والجنسيه لها
ولا بعد اخوانها واهلها يترسون الديره
مجلس الامة بكبره ماله معنى
والنواب كلهم كل من يدور مصلحته
معاد نبي منهم شي
وغيرها للأسف …… وجودهم وعدمه واااحد بالمجلس داشين وكل واحد حاقد عالثاني وكل واحد بيصيد شي عالثاني وماعندهم غير الطائفياات والبلبله
ليش مايشوفون هالديره الي قاعدين ياكلون من خيرها والعالم الي وصلتهم للكرسي هذا ( يااااااااااااااجماعه احنا مانبي مصالح خااااصه )
خل يشوفون مستشفياتنا اليمافيها موااقف ولافيها اسره سنعه ووووو ومدارسنا الي مكسره القديمه والشوارعنا ليش مايعدلون بهالديره حراااااااام عليهم
حراااام الي قاعدين يسونه انا اقووول مانبي هالمجلس خل ينحل وينشااال من عرجه احسن !!!!!!!!!!!!!
كل واحد يركض ورا مصلحته
سلوي الجسار شغلت زوجها مدير وطقت بالكل الطوفه
معصومه جنست زوجها
والباجي ماخفي كان اعظم
مالهم تاثير الا علي نفسهم فقط
للاسف احني انغشينا فيهم توقعنا دخولهم للمجلس يغير
من شكل العملية السياسية ويصلح من حال البلد اكتشفني انهن بصامات
دورهن في الجلسة بس موافقووووووووووون ياريس
.
كل واحد يركض ورا مصلحته
سلوي الجسار شغلت زوجها مدير وطقت بالكل الطوفه
معصومه جنست زوجها
والباجي ماخفي كان اعظم
مالهم تاثير الا علي نفسهم فقط
صاجة انا معاج بخصوص نائباتنا المبجلات اما النواب فحدث ولا حرج شي ايفشل
عمى بعينهم كل واحد ومصلحته
سلوى شغلت ريلها خلته مدير تعرفون شنو مدير ؟؟؟؟؟؟
واهيا لا تهش ولا تنش
رولا دشتي اول مادخلت خذت قرض 60 مليون شحقه ؟؟؟؟؟؟؟؟؟؟؟؟؟؟
شنو بتبنيلها ديره باسمها ؟
معصومه بس قاعده ادابج بعمرها شلون تجنس وشلون الكويتيه اللي ماخذه غير كويتي تاخذ حقوقها وتتكفل بكل شي
وخلت المدارس والصحه حق عيالها ابلاش ؟؟؟؟
اسيل العوضي ماشفتها تتحجى بولا شي مادري شنو تخطط عليه هالمره الحين !!!!
والخافي اعظم
مالت عليهم عساه ينحل هالمجلس مامنه فايده
البنات كفو ووفو