نبي أفكار هديا للأهل (الخالة، الأم، الجدة) لرمضان

السلام عليكم بنات

ياليت تفيدونا بأفكار هدية نوديها ويانا حق الحمولة والأهل
حق الخالة والأم والجدات ..

انا متعودة كل رمضان لازم ادخل معاي شي لهم مع تبريكات رمضان
الهدايا السابقة :
– بخور عود طيب مبخر (سوالف الشايع وغيره)
– مثلجات فريزر (سمبوسة وكبب وتوابعهم)
– حلو تقديم مميز وغريب
– سلة رمضان (وحدة باعت لنا سلال حلوة ومغلفتهم فيهم خرابيط لرمضان
فيمتو، شربت بيذان، تمر، جلي، قمردين، كريم كراميل .. كله بقواطيه من الجمعية)
كانت حدها حدها راقية وغريبة وكيفوا عليها
– وزعت على حمواتي مرة كل وحدة تمر خاص من السعودية حطيت عليه شريطة، مع شريط اسلامي كاسيت عن رمضان مميز من من السعودية حق داعية عجيب اسمه علي ابو الحسن، مع كتيب حلو صغير اسمه حلو بربع ساعة وحدة مسويته وتبيعه وكل هذا في كيس مرتب وكرت واااايد استانسوا وما كلفني واااايد بس خوش حركة لهم

شنو اودي هالسنة ؟؟؟

قالولي في وحدة العام باعت صواني خشب راسمه عليهم في بيت 32
وفيهم اماكن حق مواعين زجاج صغار ينفعون حق جلي او حلو
وسألت عنها قالوا ماباعت مرة ثانية ..

ابي شي راقي وحلو وغريب حق الحريم الكبار او شي بسيط حق خواتي وحمواتي

اللي عندها افكار تشارك بليز .. او تعرفون احد مسوي شي مميز ويبيعه تدلونا عليه بلييييز

ومبارك عليكم الشهر مقدما

المواضيع المتشابهه:

• ط®ظپط§ظٹط§ ط§ظ„ط¯ظ†ظٹط§
• ط§ظ„ظٹظƒظ… ط§ظ„ط­ظٹط§ط© ظپظٹ طµظٹظپ ط¹ط§ظ… 2085 .. ظٹط§ ط®ط±ط§ط§ط§ط§ط§ط§ط§ط§ط§ط§ط¨ظٹ !!!!