تخطى إلى المحتوى
الرئيسية » نداء إلى كل من قامت بعملية الليزك

نداء إلى كل من قامت بعملية الليزك

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السلام عليكم بنات فيدوني اللي سويت عملية الليزك سهلة؟ ما تخوف ؟ متى أحط العدسات الملونة التجميلية؟ متى اكحل عيوني؟ فيدوني جزاكم خير

الوسوم:

14 أفكار بشأن “نداء إلى كل من قامت بعملية الليزك”

  1. kouka
    الرد

    لا ما تخوف معني وقتها مت من الرعب وويهي صار ابيض جنه شبح لووول
    اهي ما تخوف صراحه بس اجواء العمليه كانت رعب (:

    وانا لبست العدسات من بعد سنه تقريبا
    تقدرين تلبسينها بعد 6 اشهر اعتقد بس امي ماكانت تخليني

    والكحل امممم من بعد شهرين
    ولمن بتحطين مكياج وشدو وبتمسحينه لا تفركين حيل بالهداوه لانه العين تصير حساسه بـ اول الاشهر

    اتكلم عن تجربتي لاني حسيت بالفرق قبل العمليه وبعد العمليه
    عيوني صارت حساسه من بعد العمليه << صارلي تقريبا سنتين وشي

    جنه امس بسرعه مر الوقت

    تقومين بالسلامه انشالله وديربالج على عيونج فتره بعد العمليه (:

  2. mira
    الرد
    ولا تخوف ولاشي عادي جدااااااااااا
    بالنسبه لي ولا شي يم الخوف الي ايني وقت اروح طبيب الاسنان

    توكلي على اله وسويها بتحسين بفررررررق

  5. chahinez
    الرد
    حبي انا بعد مفكرة اسويها اول ما تنزل المكرمة الاميرية ان شاء الله عند سلطان المطيري واد يمدحونه
    وعندج بعد محسن ابل او حسن مو متأكدة من اسمه و في دكتور اسمه وجيه شي جي بدار الشفاء
    و في دكتور سامي الربيعه بمستشفى بوشهري كلهم سمعت عنهم انهم زينين و اسعارهم متقاربة 450 – 550 دينار

    استخيري و توكلي على الله

  6. mira
    الرد
    حبيبتي ما تخوف المها بسيط انا سويتها بالسلام اب 300د.ك وعقب 10 ايام كلشي طبيعي تحطين كحل تلبيسن عدسات عادي واساسا من ثاني يوم اتداومين وتشتغلين عالكمبيوتر بعد والجهاز الي عندهم نفسه الي عند الربيعه بو 1600 بس هذا لان واحد متبرع بفلوسه فا نزلو من سعر العمليه الى 300د.ك والله رااااحه انا كنت اعاني من الجفااف والعدسات اذبحتني الحين صارلي سنتين امسويتها وكلشي تمام التمام

  7. مريم
    الرد
    اناا سويتها عند مركز الربيعه ..

    450 دينار
    آسبوعين وكل شئ تماام ..

    بسس العدساات نطري شوي عليها اقل شئ شهر عشاان الجرح للحين يكون حساس

    و الدنيااااااا حلوه بدون طبيه هههههههههههههههه

    مووفقه حيااتي ..

  8. chichaki
    الرد

    اختي عمليتها ان شاء الله تاريخ 1 2 2011
    الثلاثاء ان شاء الله قيمة العمليه ب350

    عند يؤنيفيرسال اللي بالرقعي
    دكتؤرها محسن ابل

    شااااطر ماشاء الله
    تدخل الصبح ؤتطلع بنفس اليؤم
    رفيجتها سؤت قبلها ماشاء الله

    ماشطت منها ؤلا شي ؤلله الحمد

  9. kamiliya
    الرد
    انا قاعده افكر اسويها بس انا عندي انحراف بعد بس خايفه ومتردده يله بنات نبي تجارب اكثر علشان نتشجع ونتوكل على الله

  11. kouka
    الرد

    اقتباس:
    المشاركة الأصلية كتبت بواسطة Tosta M7mSha
    حبيبتي ما تخوف المها بسيط انا سويتها بالسلام اب 300د.ك وعقب 10 ايام كلشي طبيعي تحطين كحل تلبيسن عدسات عادي واساسا من ثاني يوم اتداومين وتشتغلين عالكمبيوتر بعد والجهاز الي عندهم نفسه الي عند الربيعه بو 1600 بس هذا لان واحد متبرع بفلوسه فا نزلو من سعر العمليه الى 300د.ك والله رااااحه انا كنت اعاني من الجفااف والعدسات اذبحتني الحين صارلي سنتين امسويتها وكلشي تمام التمام

    وين سويتيها عند الدكتور غازي ؟؟

  13. inzou07
    الرد
    انا سويتها عند محسن ابل" كويتي" بمركز يونفرسال ب350 الادوية تقريبا من20 الى 25 "اهم شئ تشترين ادوية التنظيف " وايد زينه بعد3 ساعات صرت اشوف وايد زين صارلي الحين سنتين نظري ممتاز الحمدالله
    بس المهم لاتدنقين ولا يدخل عينج الماي واهتمي بنظافة العين ولبسي نظارة شديدة السواد حتى داخل البيت المهم الاضائه لاتدخل بعينج
    واختي سوتها بنفس المركز حطوها عند المصري صارت ماتشوف زيادة وقال الدكتور عادي راح اسويلها جلسة ثانية وخربت عينها صار في انحراف وشوي حول دربالج لاتروحيله

    طلبي اسم الدكتور بالاسم او سوي موعد بالتلفون لان اذا يتيهم وكان عند محسن ابل ازدحام يحطون ملفج عند الدكتور المصري

  14. madiha
    الرد
    حبيبتي انا سويتها قبل 5 سنين عند سامي الربيعة كلفتني 450
    بعدها ب10 ايام كنت حاطة مكياج كامل عشان عرس ولد اختي بس من غير عدسات وعقب شهرين حطيت العدسات الملونة عادي

    بس اهتمي بالقطرة المرطبة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.