مرحبا بنات
.gif "Eh S(17)")
انا طالبة ماجستير تربوي وقاعده اسوي حاليا مشروع لتطوير المكتبات المدرسية …ابي مساعدتكم ..
اذا ابي اطور لازم اعرف الوضع الحالي واشلون اعرف الوضع الحالي اذا ما سألتكم 
انا رحت لادارة المكتبات بالزهراء بس مافادوني حيل
فبليز اذا كنتي امينة مكتبة مدرسية جاوبيني على هالاسئلة بليز :
1 – هل تغير مسمى المكتبة الى مركز مصادر التعلم او لأ ؟
2 – هل خدمة الانترنت متوفرة عندكم؟ جم كمبيوتر متوفر ؟
3 – بالنسبة للكتب متى توصلكم كتب جديدة عادة؟ واشكثر ؟
4 – هل عندكم نكتيبات فيها نبذة عن المكتبات المدرسية في الكويتية وفيها الفلسفة والرؤية للمكتبات المدرسية؟
5 – شنو اهي حدود صلاحياتكم وعملكم ؟
6 – جم عدد الامينات في المكتبة ؟ هل في تقسيم للعمل بينكم ؟
7 – شلون طبيعة العلاقات بينكم في المكتبة ؟ التعاون والمشاركة ؟
8 – هل يوفرون لكم دورات بشكل مستمر ؟
9 – هل تمت مقابلتكم قبل التعيين ؟
10- هل لأصدقاء المكتبة دور فعال عندكم؟ وعلى اي أساس يتم اختيارهم ؟
11- شنو أفكاركم لتطوير المكتبة وأشياء تتمنون أنها تتوافر لكم ؟
بالنهاية ياريت اعرف في أي مدرسة تشتغلين حتى لو بالخاص؟
بليز بليز لا تبخلون بالاجابات والله يجعله في ميزان أعمالكم يارب
.gif "Eh S(7)")
وشكرا
انا طالبة ماجستير تربوي وقاعده اسوي حاليا مشروع لتطوير المكتبات المدرسية …ابي مساعدتكم ..
اذا ابي اطور لازم اعرف الوضع الحالي واشلون اعرف الوضع الحالي اذا ما سألتكم
انا رحت لادارة المكتبات بالزهراء بس مافادوني حيل
فبليز اذا كنتي امينة مكتبة مدرسية جاوبيني على هالاسئلة بليز :
1 – هل تغير مسمى المكتبة الى مركز مصادر التعلم او لأ ؟
2 – هل خدمة الانترنت متوفرة عندكم؟ جم كمبيوتر متوفر ؟
3 – بالنسبة للكتب متى توصلكم كتب جديدة عادة؟ واشكثر ؟
4 – هل عندكم نكتيبات فيها نبذة عن المكتبات المدرسية في الكويتية وفيها الفلسفة والرؤية للمكتبات المدرسية؟
5 – شنو اهي حدود صلاحياتكم وعملكم ؟
6 – جم عدد الامينات في المكتبة ؟ هل في تقسيم للعمل بينكم ؟
7 – شلون طبيعة العلاقات بينكم في المكتبة ؟ التعاون والمشاركة ؟
8 – هل يوفرون لكم دورات بشكل مستمر ؟
9 – هل تمت مقابلتكم قبل التعيين ؟
10- هل لأصدقاء المكتبة دور فعال عندكم؟ وعلى اي أساس يتم اختيارهم ؟
11- شنو أفكاركم لتطوير المكتبة وأشياء تتمنون أنها تتوافر لكم ؟
بالنهاية ياريت اعرف في أي مدرسة تشتغلين حتى لو بالخاص؟
بليز بليز لا تبخلون بالاجابات والله يجعله في ميزان أعمالكم يارب
وشكرا
مو شرط تجاوبون على كل الأسئلة
2- خدمة الانترنت التوصيلات فقط اهي اللي موجوده ، والمفروض 4 اجهزة كمبيوتر بس للحين ماوصلوا لان مدرستنا جديدة اعتقد المدارس الثانيه موجودة .
3- استلام الكتب تقريبا كل شهر من المنطقة التعليمية ولازم امينة المكتبة اهي اللي تستلم ، مافي عدد معين للكتب المستلمة .
4- عندنا كتب عن المكتبات المدرسية عموما بس المكتبات المدرسية في الكويت ماعندنا .
5- عمل أمينة المكتبة :
استلام الكتب من المنطقة التعليمية ، تسجيل الكتب والقصص في السجلات وتجهيزها والإعلان عنها ، المشاركة في برامج الإذاعة المدرسية ، تشكيل جماعة صديقات المكتبة ، تدريب طالبات مسابقة المهارات المكتبية ، عمل إصدارات متنوعة كالمجلات والبروشورات ، خدمة الاستعارة ، النشاط الجماعي ، الجرد السنوي .
6- على حسب المرحلة : رياض الأطفال أمينة واحدة ، الابتدائي 2 ، المتوسط 2 ، الثانوي 4 ، يفضل ان العمل يكون تعاوني .
8- سنويا تقريبا بس للاسف دورات مانستفيد منها .
9- ماكان في مقابلة رسمية توضح مهام العمل بس سألوني اي مرحلة تفضلين .
10- لهم دور في عمل الاستعارة وعمل الارشيفات المتنوعة والمجلات .
11- لو شيحطون في المكتبة ماكو فايده لان الوظيفة نفسها مو معترف فيها بالمدرسة تحسين انج اقل من غيرج من المدرسات مع ان شهادتج بكالريوس ، احنا مطالبين بعمل لوحات وإصدارات وتزيين المكتبة من ناحية الصبغ والمفارش وغيره وبما ان الوزارة مو مخصصه ميزانية للمكتبة حالها حال باقي الاقسام المفروض ان الادارة المدرسية تدفع لكن مو كل الادارات ترضى بهالشي بالتالي انتي ملزمة انج تدفعين فالمفروض ان الوزارة تخصص ميزانية حتى لو كانت بسيطة للمكتبة ، واهم شي ان المعاش ولاشي انا صارلي 8 سنين اكرف بهالوظيفة التعبانه ومعاشي توه يوصل 700 ( الكادر 55 دينار ) والله فشلة .
واذا تبين صور قوليلي
وانا اقرا اجوبتج طرت على بالي أسئلة ثانية
– شنو عندكم من وسائل تكنولوجية تخدم عمل المكتبة؟ وشنو محتويات المكتبة؟
– هل في موظف في المكتبة مسمى وظيفته (مساعد أمين المكتبة) ؟ لاني قريت في الهيكل التنظيمي لادارة المكتبات ان في مساعد امين مكتبة وتكون شهادته دبلوم؟
– عندج فكرة عن اللوائح الخاصة فيكم والقيم الوظيفية؟
– ابي الهيكل التنظيمي للمكتبة يعني منو فوق امينه المكتبة واللي فوقه وهكذا…ومتى يصير امين المكتبة امين مكتبه اول ؟
ادري اذيتج بالأسئلة بس والله قاعده تساعديني انت حيل وياريت باجي امينات المكتبة يردون علي بعد
واتحفينا بالصور ليش لأ
– هل
– شنو المشكلة في الدورات اللي تاخذونها؟ ليش ماتستفيدون منها ؟
بالنسبة للوسائل التكنولوجية الموجودة عندنا بالمكتبة أجهزة كمبيوتر وهذي السنه راح يحطون لنا داتاشو وتلفزيون بس للحين كلام فقط ومايندرى فعلا راح ينفذ هالشي او لا .
محتويات المكتبة :
طبعا يعتمد على المرحلة انا بالمتوسط عندي كتب عربية واجنبية ، قصص عربية واجنبية ، مجلات ، مواد سمعية وبصرية ( سي دي ، اشرطة كاسيت ) .
بالنسبة لمساعد امين المكتبة اهم اللي تكون شهادتهم دبلوم انا في بداية تعييني كنت مع مساعد امين مكتبة ماحسيت بفرق بيني وبينها الا بالمسمى الوظيفي صلاحياتها نفس صلاحياتي بالضبط ويمكن اهي احسن مني لانها خبره بس المفروض ان امين المكتبة اهو المسئول الأول وليس العكس .
الهيكل التنظيمي للمكتبة : مدير إدارة المكتبات / رئيس قسم المكتبات في المنطقة التعليمية / الموجه ومديرة المدرسة / أمين المكتبة
هذا الواقع بس اذا تبينه شي رسمي خليني اتأكد وارد لج خبر بالليل .
انا في بداية تعييني كان مسماي امينة مكتبة والعام يتني الدرجة صرت أمين مكتبة أول طبعا اهو يعتمد على التقرير اذا كنتي ماخذه امتياز سنتين ورا بعض تاخذين الدرجة وتصيرين أمينة مكتبة ، انا عقب 6 سنين يتني بالاختيار والاقدمية بنفس الوقت فقالولي اختاري تبينها بالاقدمية والا الاختيار .
بالنسبة للدورات عطوني دورة لامينات المكتبة الجدد 3 مرات تخيلي ؟!!!
واخر مره كانت العام طبعا عصبت ورفضتها شنو الفايده من شي انا ماخذته مرتين وبعدين انا عندي خبره 7 سنين يعطوني دورة للامناء الجدد احس ماكو تخطيط
ومره عطونا دورة استخدام الحاسب الآلي في إدخال بيانات الكتب وتصنيفها وفهرستها ، شالفايده دام ان هالنظام للحين مو مطبق عندنا اصلا ماكان في اجهزة كمبيوتر بالمكتبة حزتها واحنا لازلنا نطبق النظام البدائي في إدخال البيانات نسجل الكتب بالسجلات الخاصة تسجيل يدوي حتى بطاقات الفهرسة احنا نسويها بايدنا .
والحين عندي بعد اسبوعين دورة الله يستر شتطلع بعد
في شغله بدت ادارة المكتبات تسويها من العام اللي اهي تغيير الاثاث في المكتبة يعني زين طلع منهم شي حتى مبنى المكتبة في المدارس الجديدة غير اكبر واحلى .
والصور راح ادزلج اياهم انشاللله باجر أو بعده .
موفقه انشالله
بس في سؤال ماجاوبتيني عنه اللي اهو عن اللوائح والقيم الوظيفية الخاصة فيكم…؟
بالنسبة لتجديد الأثاث هذا عشان الوزيرة أصدرت قرارات تتعلق بمشاريع تطوير التعليم ومنها تجديد المكتبات وهذا رابط من موقع الوزارة لهالمشاريع
http://www.moe.edu.kw/pages/nashra.htm
هذي المشاريع اذا طبقت صج راح يكون شي طيب ويبشر بالخير لأنا فعلا محتاجين لتطوير التعليم في كافة مجالاته
بالنسبة لملاحظاتج راح أذكرها انشاءالله في مشروعي ..فعلا استفدت منها جزاج الله خير
عطوهم اخلى كادر الحين يام تخصص فاشل
ههههه