نزف المشاعر

السلام عليكم للجميع….
في البدايه اتمنى ان تقبلوني عضو خفيف الظل عليكم
احط بين ايديكم ها القصيده الي اعبر فيها عن غربه وغياب حبيب من نهر الحب اتمنى ان تنال اعجابكم … تقبلو تحياتي ……….

()()()؛،.نزف المشاعر،؛()()()

ياطيب القلـب تكفـى طالـت الغربـة
تمم وصالـك ولاتبعـد علـيّ يازيـن
قلبـي يحبـك ورب النـاس والكعبـة
واِن قد نسيتك قلي ((يا……. يهويـن))
يلي فؤادي تهنـى فـي سمـا قربـه
واِن غاب عني تشقق خافقي نصفيـن
نصف في قلبي يزيد الشـوق ويشبـه
ونصف يصرخ ينادي وين نور العين؟؟
شوف العواذل عليـا زودوا الضربـه
والقلب صابه من بعاد المحب سهميـن
يلـي تملـك خفوقـي عشقـه وحبـه
وغلاوته واضحة ما تقبـل التخميـن
أرخصت دمي لأجلك وصرت اكتب بـه
وعد(ن) عليا لاِن الحر وعـده ديـن
سلمت لك روحي وصار العمر لك وهبه
وإحساس شاعر يداعب روعة الحرفين
لك في معسكر حياتي يالغضـي رتبـه
من دون كل الخلايق ترتقـي المتنيـن
الزيـن بـك يقتـدي دايـم ويتشبـه
لا سطر يكفي لتوصيفك ولا سطريـن
قلبي معـك يالغـلا مايشتكـي غلبـه

لي وجه واحد معك شف مامعي وجهين
ما خاب ظن من تمسك في رجاء ربـه
والله قـادر يقـرب بيننـا الاثنـيـن

دمتم بود……..