نفخت شفايفي وهالمرة صور قبل وبعد النفخ

السلام عليكم

بنات يوم الاربعا نفخت شفايفي اخييرا

وانا لي تجربة بنفخ خدودي بس اول مرة اجرب احقن شفايفي

وعلة شفايفي كانت الشفة العلوية اصغر من السفلية عقب ما سويت التقويم و رجع فكي
( صورة شفايفي قبل النفخ مبين الشفه الي فوق رفيعه شوي وماشي تناسق )

سرت عند الدكتور عماد في كوزمسيرج الشارقة

وحط لي كريم بنج عشفايفي واترييت 10 دقايق
وكنت متوترة وخايفة وايد بصراحة من الالم والبنج

وعقب مسحهم بمعقم و ضربني ابرة بنج من داخل الشفة العلوية والسفليه

واتريا 5 دقايق وبدا بالشغل هههه

دخل ابرة طويلة ( اتكون مطاطية) من طرف الشفة للوسط ماحسيت وايد بهالشي بس يوم بدا يعبي المادة بشفايفي
وااي عوااار .. لان المادة فيها اسيد من جي تحرق شوي

وعقب ما خلص كانت الشفايف جامدة وناقزة شوي و وارمة خفيف
والنتيجة النهائية طبعا بعدها ما طلعت
بس بعد ساعتين ورمت شفايفي وانتفخت وملمسهم يابس وايد ( يمكن لاني تميت ادلكهم هههههه )
وتم العوار عالخفيف الين اليوم الثاني

والحين صارلي يومين تقريبا
وبعده شوية انتفاخ خفيف والملمس بعده يابس (يعني متكور من الورم )

وهاي صورة ثاني يوم من النفخ ( طبعا بعدها وارمة وبدون روج )

وخلال اسبوع اتوقع من تجارب البنات بتبين النتيجة النهائية ..

مبدئيا مع الورم احسهم حلوين لان نفخلي بالنص مب اطراف الشفايف وانانبهته اكثر من مرة على هالشي والحمد لله الدكتور شاطر

والمادة بتم من 4 ل 6 شهور ان شا الله لانها نفس المادة الي احقن فيها خدودي عن تجربة يعني

واي استفسار عندكم انا حاضرة
وبعد بحطلكم صور عقب 5 ايام من النفخ تابعوووووني