تخطى إلى المحتوى
الرئيسية » ننصح بعدم دخول هذه الصفحة ؟؟؟؟

ننصح بعدم دخول هذه الصفحة ؟؟؟؟

بسم الله الرحمان الرحيمو الصلاة و السلام على أشرف المرسلين

قالـوا عن الخيــانه حمانا الله واياكم منهـا

* المرأة قد تصفح عن الخيانة ولكنها لا تنساها
* من المؤسف حقاً أن تبحث عن الصدق، في عصر الخيانة و تبحث عن الحب .. في قلوب جبانة

* أكثر الناس حقارة هو ذلك الذي يعطيك ظهره، وأنت في أمس الحاجه إلى قبضة يده.
* لا يوجد أسوأ من إنسان يسألك عن اسمك الذي طالما كان يقرنه دائماً بكلمة أحبك!
* لا شك في أنك أغبى الناس إذا كنت تبحث عن الحب في قلب يكرهك!
* الخيانه في بعض الأحيان تكون الشعور الأجمل، إذا كان الشخص المغدور يستحقها !!!
* الحب الحقيقي لا ينتهي إلا بموت صاحبه، والحب الكاذب يموت عندما يحيا صاحبه.
* كل خائن يختلق لنفسه ألف عذر، وعذر ليقنع نفسه بأنه فعل الصواب !!!
* الحب الصادق كالقمر عندما يكون بدراً والكسوف هو نهايته عندما يلاقي غدراًَ !
* الحب كالزهرة الجميلة و الوفاء هو قطرات الندى عليها والخيانه هي الحذاء البغيض الذي يدوس على الزهره فيسحقها.
* لو كانت كل قصة حب تنتهي بالخيانه لأصبح كل الناس مثلك… أيها الخائن!
* لا تسألني عن الخيانه فأنا لا أعتقد أن هناك كلمات قادره على وصفها !
* الوفاء عملة نادره و القلوب هي المصارف وقليلة هي المصارف التي تتعامل بهذا النوع من العملات!
* إذا كنت تحب بصدق فلا تتخاذل، لأن التخاذل هو الخيانه ولكن بحروف مختلفه!
* إذا مزقت قلبي فلا تتحدث عن الحب لأن الحب بريء من الخونة !!!

الوسوم:

4 أفكار بشأن “ننصح بعدم دخول هذه الصفحة ؟؟؟؟”

  1. فرصة سعيده وافترقنا على خير
    كنت اتمنى تكون قسمة
    حياتي
    هذا نصيبي واللي جنته المقادير
    تبعد وأنا أبعد في سكون وسكاتي
    ذ. هذي وانتهت دون تفسير
    صارت تسمى ماضي ذكرياتي
    فرصة سعيده جمعتنا على
    خير
    خلك بقايا ساكنه ماضياتي
    …………………..

    تروح تجي معاد تعنيني
    عودتني لين مليت وخليتك
    ماكنت نبض المحبة في شرايني
    ماكنت تسوى عيوني يوم حبيتك
    تبيعني ماهو بكيفك وتشريني
    انا من أغلى مكان بقلبي انهيتك

    ……………………….

    من راح من كيفه
    وكيفه يوديه
    خله على كيفه
    وكيفه يجيبه
    كانه نوى البعد
    عسا الله يهنيه
    واللي يصد اليوم
    صده مصيبه؟!
    اللي يصد وشاف
    جرحي يسليه..
    عندي حظورة
    يشبهه في مغيبه؟!
    …………………..

    ماضعت في بعادك ولا توهني زماني
    مثل مااخترت قلبك بالاول اقدر اختارلي ثاني
    قول اني تغيرت وماعاد قلبي الاولاني
    جروحك علمتني الصد
    وعلمتني كيف اخلي الهم ينزاح عني ويتناساني

    ………………..

    لا تعاتبني دخيلك!!
    أنتهى
    وقت العتاب!
    دام ما للحب قيمه؟!
    وايش له..
    نعيد و نزيد!
    1ودامك اللي للخطايا
    مشرع
    عشرين باب!
    العتب ما أظن يقدم!
    لا…
    ولا حتى يفــيد..!!
    …………………..

    بودعك وأنتي إللي
    ساكنة دمي
    أبقي بعيدة وروحك
    معي في ثيابي
    وإن سولفوا في
    حظورك عن بعض همي
    قولي لهم كان يعشق
    ريحة ترابي ..

    قولي لهم لاشرب دمع
    الحزن كمي ..
    بهذي دموعه ولكن
    هي من أسبابي ..

    ……………….

    لا تعرض سنينك
    للفنــا و الضيـاع!
    كلك ذنوب.. والرجوى
    تزيدك ذنــوب!
    أرحـــل بحفظ فرقــا
    ماوراها أجتماع!
    جـيـت منت مغصوب
    ورحت وانت مغصوب!
    أختصرتك
    وأنا كلي..
    رضى و أقتناع!
    مثل ما تختصر
    بعض الدروب..
    الــــدروب..
    ………………………
    قلــبي اللي من عرفتك
    زايد فيه الوجوع
    وكل حب قد بنيته في
    هواكم انهـــدم
    النهــــار
    أصبح
    ظـــلام
    والخميس
    أصبح
    ربــــوع
    والسنين تبكي عيني
    ودمعتها
    هــم و دم
    كنت أقول: أنت الحبيبه
    وتحرس
    القلب الضلوع
    الحقيقة قلتها:
    أنت
    كما
    طـــيف الوهـــــم!
    …………………………..
    حبيب(ن) خاين العشره جمع حزن البشر فيني
    كذب قلبي إذا لحظه تناساه أو تناسيته
    نسى حبي بعدعمري وخلى الهم يطويني
    وخلى الدنيا في عيني كئيبه.. ليت ماجيته
    يجي منه بعدأكثر..طعن قلبي معنيني
    يناديني على الفرقا.. واقول ابشر ولبيته
    …………………..
    بطلبك يانـور عينـي كـان مافيهـا كلايـف
    لا نويت الجرح فيني…. اطعن بحـد شطيـر
    الغلا يا صاحبي ماهو حكي وسـط الشفايـف
    الغلا لا صار سيفـك فـي معاليـق الضميـر
    …………………..
    أجرحيني ثم روحي مادام
    الحب راح
    لاأنتي أول من جرحني
    ولا آخر
    من يــروح
    لاخسرتي عاشقك!
    لاتحسبينه..
    "نجــــاح"!
    جيت أعزي فيك قلبي
    وجا قلبي
    ينــــوح
    في مهب الريح
    يامعاكس أمواج
    الـريــــــاح
    الزمن ماهو زمانك..
    تبــــوح أو ماتبــــوح!!
    …………………….
    أن كنت ناوي بفرقا
    سهل الله خطاك
    ما أقول أني بموت
    ولا أقول أني بخير
    يمكن أنساك
    ويمكن أستمر
    في رجاك
    لكن أحب ثاني..
    مستحيل انه يصير
    أن قتلته شعوري
    أو قتلني غلاك
    بغليك
    لو أبوي شيخ
    وخالي أمير..!؟
    ………………………
    أهجريني اذا أنك قادره
    تهجرين
    وكان قلبك على الفرقا
    جزوم..وقوي
    غيرك من البشر يملك
    لطافه وزين
    وعندي الزين
    لافارق..ولامستوي
    ارفض ابقى معلق معك!
    في حالتين؟!
    يوم..
    مجنون حب!
    ويوم..
    عاقل سوي!
    ………………………
    توك تجي تطلب رضا قلب ناسيك
    ذابت ورودك واصبحن يابساتـي
    ضيعت حبي ياعسى الله يجازيك
    وانكرت قلبي يومك اغلى امنياتي
    واليوم قلبي يبتعد عـن وموانيـك
    والحين توها ابحـرت باخراتـي
    ……………….
    صرت أنا للحب والدمعة أسير
    في حياتي يوم راحة ماظهر
    مظهري جنه ومضموني هجير
    مرقدي تمثيل والواقع سهر
    جيت يمك وأنت عزمت المسير
    صرت ضدي مع صواديف الدهر
    الوداع فراق والموقف مرير
    والعزى ماضيك والحاضر قهر
    .>>>>>>>>>>>>>>>>>>
    منك نتعلــــــــــــم لعبة الصد ونصد@
    مدام قلبــــــــــــــك والليالي علينا@
    منك بتعلم كيف مانحفــــــــظ الود@
    وتشوف منا ماتسويه فينا@
    الحين لازم تأخذ المسأله جد@
    علمتنا نقسى وشفنا قسينا
    …………………….
    أغليك..لكن شعوري فيك..
    يتعبني
    ضاعت على سكة الحيره..
    عناويني
    ماعاد طيفك على الغربه..
    يصاحبني
    حب.. ومضى.. وإنتهى
    وأرجوك تعفيني!
    لا ترسم أحلام
    لا تهدم .. ولا تبني
    لك وجه أبيض وأنا
    اللي راح..
    يكفيني..!
    ……………………….
    صعبه إذا خنت العهد ..
    وش عاد عذرك ينفعك ..
    تخسر حبيبك للأبد ..
    وميفيد حتى مدمعك ..
    جرب تجافيني وتصد ..
    تلقى عيوني تودعك ..
    قلي يا خلي وش بعد ..
    فآخر دقيقة أنا أسمعك ..؟!
    ……………………..
    الله يرحم حبنا اللي
    قتلتيه
    جفت دموعي والبقيه في حياتك
    أنتي بديتي الحب وأنتي نهيتيه
    إقرأي عليه الفاتحه في صلاتك
    الله وأكبر من يسوي
    سواتك
    مره لبستي الحب ومره
    شلتيه
    هذا الهوى لا تحسبينه
    عباتك
    قلتي إحفظه تذكار وأقول مابيه تذكار حبي
    ………………
    ماكنت اقصر فيك من كثر الاعجاب
    يومك تساوي عندي الكون كله
    كنت القريب وكلهم كانوا اغراب
    حتى القمر لاغاب شفتك محله
    خلاص لاترجع ترا خاطري طاب
    ابي طرا اللي كنت عايش بظله
    رح واعتبرني واحد اذنب وتاب
    ماني بثوب تلبسه ثم تمله
    …………………
    لاترتجي المحبه من قلب بالخطى ذبحته
    ولا تعتب على خلك بسبايب خطاك
    وانت من بسهم الخطى جرحته
    واليوم تستاهل من جروحي ماجاك
    ………………….
    حبيبي انت تحب غيري تفضل روح واجفاني

    عرفت اليوم مقداري كفايا لاتعشمني

    ولافي داعي تشرح لي وتحلف زلة لسان

    خلاص ارحل له ارجوك لاتوقف تطالعني
    ………………..
    إذا تسمح ..
    بغيبــ شوي !
    أبجمع [ همِّي ] الباقي ..
    وأدفن " صبري " الذابل في أوراقي !
    وأبرجع لكـ ..إذا باقي في نفسك ( شي )
    ……………..
    مُحال أرجع مثل أوَّل ..
    " أشيلك فوووق أكتافي " ..!
    كسرتــ
    بداخلي
    لوحة
    مُتيَّم
    [ عاااف ]
    تلــــــوينك …

    …………..
    ربي بلاني بمن شان …..فعله معي لين اظلمت بي ســمايا
    زل وكتمت وزل وازددت كتمان ….. وازداد في غيه وجاني بــلايا
    اعطيته الصافي من العلم خلصان …..من غير ما اسال من معاه ومعايا
    ……………
    وين القلوب الي تحب و أمينه
    اللي تصون الحب من كل مفضوح
    غصب على مثلي يبيح كنينه
    أنصك باب للغلا كان مفتوح
    ………………….
    تركتني لبرد الطريق وأنا على بابك
    أتذكر انك قلت لي بالله وش جابك
    ودعتني قبل السلام وهذا كل الكلام
    اللي حصل بينك وبيني تخيل
    …………..
    تاكدي كل البشر تخدعينه
    الا خفوق من حنانه رويتي
    ماعاد انا الطفل اللذي تخبرينه
    يزعل وترضينه متى بغيتي
    يابنت روحي رافقتك السلامه
    حب يذل النفس مابيه مابيه
    …………………
    قطعت الوصل ياشاطر قوي القلب تعجبني
    تحسب اني انا ناطر وشوقي لك معذبني
    وانا ماهزني هاجر ولعب العيال ضحكني
    ولكن خلك الصابر وعلى فرقاك عودني
    عشان انساك في الاخر ومثلك ترى مايشرفني

    ……………………..

    ابسألك عن حالنا .. انتي وانا
    ياللي احس .. انك انا
    حالنا ما هو غريب
    انـّا نكون متأكدين ان الفراق ما هو بعيد

    …………………
    تمنيتك انت هذاك ال عرفته
    حبيبي وطبيبي يداوي جروحي
    ولكن يا حسره والفين مره
    وهبتك حياتي وقلبي وروحي
    تدوخلي راسي يا ظالم يا قاسي
    عشت عمري كله عذاب ومآسي
    وانت مع الدنيا صرتوووو عليا
    ……………….
    لاتنصدم لو شفت بعيوني الموت ..!!
    قبلك اشوف الموت .. داخل كياني
    تعبت ارتب لك من احساسي بيوت
    تعبت افكر كيف قلبك رماني ..!
    لا تكسر أغصاني لجل تقطف التوت
    ياخي دخيلك ماتلاحظ مكاني ..؟
    ……………………
    انا اذكر يوم جيتني وبصدرك كثير طعون
    سحبت السيف بفزعلك وبسيفي طعنتني
    ……………..

    رغم كل الحزن فيني انا امشي عكس احزاني
    و لا ودي الوم الناس ولا ودي انا انلام
    ……………………

    منت اول ولا اخر خساراتي
    والي خسرته ورأسك لأخذ ارباحه
    كاني فقدت الغلا بأسباب غلطاتي
    من غدر الايام جيتك كاره نفسي
    لو قلت وشفيك بكيت وقلت سامحني
    ……………………..
    والله لا أدعي عليك
    لين تصرخ بعالي الصوت
    كفاني مصايب ياناس
    بس ابي راحة الموت
    ……………
    عرفت قدري يوم الايام غبره
    كابرت حتى طحت قدام عيني
    ماجيتني الا وبالعين عبره
    ماقلت لك لاضاق وقتك تجيني
    …………………

    هذاك اول احبك موت وأغليك
    واليوم يا أعظم ذنوبي ماتمنيتك
    الله يهني من خلاك تنساني
    ………………
    عظيمه لهفتي صوبك اصوتلك ولاتوحي
    كبيره لهفة العاشق يتيمه صرخة المذبوح
    رحيمه كلمه منك تخفف يالغلا نوحي
    عطيتك عشق من قلبي كريم والليالي شحوح
    ……………………
    غلطة عمر مدري نهاية مشاوير
    بس الوكاد إنه دفعنا ثمنها
    والحال شوف العين والسر في بــير
    والهم نفسي يا رفيقي سكنها

    ……..

    مافعلته كرامة نفس ماهو تخلي
    غلطة العمر ماخلت بوجهي خيار
    ريحة الجرح فاحت وأنت متسلي
    يا عديم الوفا فرقاك رد أعتبار
    .
    ………………………

    أن بغيت أعشق أبلقى كثر حبات الرمال
    لكن أنتي لو بغيتي صعب مثلي تعشقين
    …..
    بالهوى ماهي غريبه نكبت عيال الحلال
    ولا أنا أول من يصون ولا أنت أخر من يهين..
    …..

    عشق الفضا حرية الطير لاضاق
    وأنا بلا جنحان وش عاد أسةي
    ضايق وأشوف الحال ماهو بينطاق
    لا الأرض تاسعني ولا الجو جوي
    يا صاحبي كان تهنيت بفراق
    مايهتني بقرافي إلا عدوي
    ….
    أنا ماعاد لي غربه سوى إني أعشق همومي
    أضم دروبي لدربن على كيفه يوديني
    بغيب وبترك غيابي يذوق قلبه التغريب
    حرام ان عدت لين ألمح ملامح فقدي بعينه
    ….

    مدام أنك منت قد العشق وهدت حيلك عزومه
    تعال وقلي يا فلانه ترى هالشغله تشقيني..

    …..

    وقـف مكانـك .. وان تعديـت هـنّـه
    يالعنبـو .. حـيٍ عـن العـز منـزاح
    كـلٍ يجيـبـه يــم فعـلـه مسـنّـه
    والعلم واضـح .. مايبـي زود ايضـاح
    …………….
    ايه انا هذا طريقي (موحش ..وصعب.. وطويل..)
    وانت لامنك تعبت العالم فجوجه وساع
    اعتبرني في بداية سكتك عابر سبيل
    ورح وانا قلبي معك من وين وجهت الشراع

    ‏(؛يكفي اني لاذكرت في سالفه عشاق قيل
    عاشر احبابه شجاع ..وفارق احبابه شجاع)



  2. ما جا على بالي خطاك انت بالذات
    لا تعتذر يجي منك أكثر
    مات الغرام إللي لك بداخلي مات
    ما عاد ينفع العذر لو تعذر
    مقدر خلاص أتحمل اليوم غلطات
    ما كذب عليك أنا بديت اليوم أتغير
    بسكات أنا جيتك وبروح بسكات
    أبي أبتعد وهذا مقدر
    قصرت وسواتك معي ما هي سوات
    هذا عندي فيك ما كنت أقصر
    طوفت لك مرة ومرات
    صبرت بس ما أظني اليوم أصبر
    والحين أنا نادم على كل ما فات
    لا تعذر مدام عذرك تأخر
    هذا جزا يعطي ولا يقول لك هات
    أنا اللي أستاهل يجي منك أكثر

    والله وبديت أشغله وأطري على باله
    بديت أذوب خفوق اللي مذوبني
    ياكثر ما قلت في نفسي هنياله
    مرتاااااااح مايدري ان الهم عذبني
    اللي جرالي بدا هالحين يجراله
    ولو أنبوني ضميري مايأنبني
    بعلمه كيف يقسى وأفعل أفعاله
    وخله يعاتب لو وده يعاتبني
    مايسير بس أنا أفكر به وهو لالا
    المفروض يتعب مثل ماهو متعبني

    يانور عيني ماتفيد الحسائف

    لاصارت الفرقى طويل مداها

    والي انكتب مافيه تحريف ولا عيب

    هاهاتي من سهر ماكفاها

    بلعون ماقصرت ياغايت الكيف

    بس الليالي قصرت في وفاها

    لاتحسب الدنياء تجي على الكيف

    وكلآ يموت وحاجته ماقضاها

    بعلن رحيلي والبقا في حياتي ..

    اذا وجودي في حياتك معنيك

    بعلن رحيلي والبقى في حياتي

    لاني بعزي قلبي قبلٍ اعزيك

    واقطع وريد الحب واعلن وفاتي

    تعبت من قسوة ظروف تخليك

    تبخل بصوتٍ فيه نفسي وذاتي

    وشلون بحيا بين صد وتجافيك

    يحرق بقايا ما بقى من رفاتي

    الله ما اقسى ياحبيبي لياليك

    كم عاقبتني واحرمتني سباتي

    ما قدرت ظرفي على كثر ما أغليك

    واعذب حروفي ناطقتها شفاتي

    فاما تجيني اليوم ولا انا اجيك

    ولا اكتبي بدمعات حزني وفاتي



  3. مشكوروالله العافيه…..
    ماعادينفع لوتعذرت ورجعت
    فات الاوان وقل قدرك وشأنك
    وشلون اسامح وانت في الودقصرت
    وبعت الرفيج الي وفالك وصانك
    والحين جاي تقول نادم وفكرت!؟
    خل المحبه وانت خلك مكانك.



  4. لاتنصدم لو شفت بعيوني الموت ..!!
    قبلك اشوف الموت .. داخل كياني
    تعبت ارتب لك من احساسي بيوت
    تعبت افكر كيف قلبك رماني ..!
    لا تكسر أغصاني لجل تقطف التوت
    ياخي دخيلك ماتلاحظ مكاني

    سلمت يا شاعر



اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.