[ هالمطعم قذر][ وهالمطعم انتهازي ] وانا نبهتكم .

مرحبا بنات

حبيت أقولكم تجربتي عن مطعمين. والتجارب انا مريت فيهم شخصيا

المطعم الأول ( قذر)

وهو…….. تشيليز الي بمجمع دسكفري

بنات انا مرة كنت رايحة مع أختي هناك، بس طلبنا تيك أواي، ما كنا نبي نقعد لان عندنا شغل. المهم خذينا المنيو ونطرنا طلبنا على ما يخلص ويحطه لنا داخل الجيس ونروح. وانا ناطرة الأكل، قاعدة على الكرسي مثل كرسي ملوت البار والمطبخ جدامي واشوفهم شلون يقلون البطاط والبرجر. عاد انتبهت على الي قاعد يحط البطاط بالصحون، شفته شوف عيني بنات ماسك البطاط بإيده ويحطه داخل الفلين مالي. ومولابس دس او قفازات بإيده يعني جذي ماسكه… الحمدلله إن الله يحبني لما خلاني أتسلط عليه واشوف هالموقف. جان بنفس الوقت قلت حق مدير المطعم ومدير المطعم سوا حركة بويهه كأن مو أول مرة تصير السالفة. عاد من بعدها بنات حرمت آكل من تشيليز ديسكفري

المطعم الثاني ( انتهازيين )

وهو……… بفالو جمعية كيفان فوق

دايما نروحله واكلهم حلو وكل شي تمام. بس آخر مرة الجرسون سوا حركة حيل بايخة خلاني أكره الروحة هناك. السالفة صارتلي من شهرين. الله يسلمكم بعد ما كلينا وخلصنا، ناديناه علشان اييب لنا الفاتورة ويومتها انا كنت عازمة أهلي. المهم عطاني الفاتورة وحطيت فيها المبلغ المطلوب وبعدها خذا الفلوس ورجعلي ياهم لكنه مسوي حركة….. حاط 200 فلس تحت الفاتورة والأنواط فوق، علشان انا اخذ الانواط والخردات ما أشوفهم… حيل استحقرته، والخردات خذيتهم ما خليتهم، احسن علشان مرة ثانية يتأدب وما يتغافلني. السالفة مو سالفة 200 فلس اصلا مو هاميني انا الي قهرني حركته البايخة ليش خاشهم تحت الفاتورة؟ ليش مو حاطهم فوق الانواط؟ عاد من وقتها كرهت المطعم بكبره ولا أحب اروحله. مع انه هادي وماكو ناس وعلى طول كنت اروحله… خل يولون الحين اخسروني والسبب استغلالهم

بس حبيت انبهكم بنات وانتوا احرار اللهم إني بلغت اللهم فاشهد…