تخطى إلى المحتوى
الرئيسية » هذي استعداداتهم . للموسم الدراسي القادم .

هذي استعداداتهم . للموسم الدراسي القادم .

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

اول استعداد ومواجهه للمرض … انهم ما مااجتمعوا الا الحين

وماتناقشوا الا هالايام … في ظل وجود المرض اللي صارله اكثر من 6 شهور … الحين يوم مابقى

الا كم اسبوع … الحين بيحطون خططهم … عجبي

ثاني استعداد … من الامور المطروحه … انهم بيشيلون طابور الصباح

شنو الحكمه ..؟؟؟ بفهم ؟؟؟ يعني الاختلاط بس بطابور الصباح ..؟؟؟ وبالصف وبالفرصه

مارح يكون في اختلاط بين الطلاب …؟؟؟؟

اللي بيقضي على الفايرس … اقل شي يكون ملتزم بنظافة المكان … واللي شفناه العكس تماما

تعالوا شوفوا المدارس و الساحات والصفوف والحمامات … وين النظافه

وين شركات التنظيف ؟؟؟ وين الاستعدادات اللي يتكلمون عنها …؟؟؟؟ اليوم اختي كان عندها اختبار دور ثاني … تحلف تقول يايبين 2 ممرضات … وقايسوا حرارتنا وعطونا

كمامات …. بس تدرون ليش ..؟؟؟ علشان كان في صحفيين و تلفزيون … يصورون

الاستعدادات …. وبعد التصوير … الحبايب مشوا …

الامر الثاني … في احد بهالوقت يشيل الكاميرات الحراريه من المطار …؟؟؟؟؟ !!!!

حزة وصول اهل الترعه و الوافدين والمسافرين … !!!!!!

والسبب شنو … يقولون خلوها وقايه بدال ماتكون رقابه … وين الوقايه بالله ؟؟؟

علموني ؟؟؟ الوقايه ان هالبنات المساكين اللي على الجوازات

والموظفين … بدون كمامات ..؟؟؟ ولا كل من هب ودب شايل مرض

دخل الديره … ؟؟

شنو الحكمه من تدرج الدراسة.. 9/27 للثانوي و10/4 للمتوسط و10/18 للابتدائي …؟؟؟

يعني اللي بالثانوى … ماعنده اهل او اخوان بالبيت ؟؟؟ ولا مقطوع من شيره

ولا الخوف من ان المستشفيات تنترس مره وحده … قالوا خلوهم على دفعات …

وهذي مقاله للنائب السابق / مبارك صنيدح بجريدة الوطن اليوم

سمعوهاااا …

إضراب أولياء الأمور..!

عميد الأدب العربي طه حسين.. عندما سمع وهو في باخرة بين اوروبا ومصر.. وطنه يتعرض لوباء الطاعون.. كتب مقالا كأنه يبكي دما.. انه في مرحلة متقدمة من القرن العشرين.. لازال الوطن الاكثر عراقة في التاريخ يتعرض ابناؤه لمرض يفتك وجوده بالوطن.. اشارة الى انه يعيش خارج التاريخ.

اذا ماذا يكتب عميد الادب العربي عن وطن في القرن الواحد والعشرين.. ودولة المؤسسات والرفاه.. تفيض فيه المجاري وتلوث البيئة وتهدد مياه الشرب.

والحكومة اومتحف الشمع.. الساعي وراءها كساعي وراء سراب بقيعة.. ولا ينشَدْ فيها الظهر وعجزت عن مجابهة كارثة حريق العيون وكارثة المجاري.. فكيف بكارثة انفلونزاالخنازير التي تهدد بحصد الارواح.

ولذلك اذا لم تؤجل وزارة التربية الدراسة.. فعلى اولياء الامور الاضراب.. ومنع ابنائهم من الدراسة.. حتى يتأكدوا من سلامة الاجراءات والخطوات التي تؤكد رعاية ابنائهم وعودتهم من المدارس سالمين.

فأرواح ابنائنا الطلبة ليست فئراناً لحقل تجارب وزارة الصحة والتربية.. ولاتنفع مسكنات الصحة بأن الوضع تحت السيطرة.. فالمواطن لايلدغ من جحر الحكومة مرتين.. وقد لدغ اكثر من مرة.. من صحة وتعليم وكهرباء وتلوث وغيرها والحبل على الجرار!

ولقد رسبت الحكومة في مادة امتحان مجابهة الكوارث.. ولن يسمح لها بدور ثان. عندما يتعلق الامر بسلامة صحة ابنائنا وبناتنا الطلبة!

واذا عرفنا انها كان لها دور في فركشة الجلسة الطارئة لانفلونزا الخنازير.. وذلك بالتأثير في بعض النواب بعدم التوقيع.. اوسحب اسمائهم من طلب الجلسة الطارئة!

يؤكد لنا استمرارية نهج الحكومة بمسيرة الحكومات السابقة.. وهي مسيرة لاتسر عدواً ولاصديقاً.. ولاتبشر بالخير.. وهذا ليس ضرباً في علم الفلك والنجوم.. ولكن القلب يدان من نبضاته.!

والهمس الخافت.. والخوف الصامت عند الآباء والامهات له ما يبرره.. والاخبار تتناقل الوفيات وضحايا المرض في جميع انحاء العالم.. ومع اقبال الشتاء واحتمال تزايد حدة وشراسة المرض.. وعدم توفر المصل المضاد للمرض.. وعدم تأجيل الدراسة من قبل الحكومة وتعطيل انعقاد الجلسة الطارئة.. يجعل الكلمة الاخيرة بيد اولياء الامور!

ولا حول ولا قوة الابالله … وحسبي الله ونعم الوكيل

14 أفكار بشأن “هذي استعداداتهم . للموسم الدراسي القادم .”

  1. اذا الاهل مو مقصرين يطلع البلا بالمدارس
    واذا الاهل ماعندهم وعي شذنب المدارس والوزاراة
    لازم التوعيه اتصير من كل الاطراف ومن كل الوزارات من بس التربية



  2. انزين الحين اكو علاج صاير جنة معطر جو ليش ما يحطونة عند المدارس لمن يدشون الطلبة وجيكون عليهم والمشكوك فيهم على طول بالغرفة الي فيها العلاج علشان ما يسير في شي ولا يتاخرون في علاجه بس الله يستر عسما اتسير في حالات ومحد يدري عنها انا اقترح عليهم انهم ايحطون كاميرات حرارية عند باب كل مدرسة علشان الي يدش يعرفون اذا كان في او لا ويخلون ممرضة تفحص الطلبة بعد ويوزعون كمامات

    وما اقول الا لا حول ولا قوة الا بالله العلي العظيم



  3. ابي اعرف الناس الي تبي تاجل المدارس يعني احنا مو قاعدين انداوم ونخطلط بالناس مو قاعدين تروحون زوارات واسواق تشترون حق العيد مو قاعدين تروحون مساجد للصلا ه كل هذا الاماكن ممكن فيها المرض اشمعنى تبون تاجلون المدارس ؟ يعني بالعقل بس المدراسات والطلبه اللي بيتعادون واحنا اللي كل يوم داشين علينا مراجعين اشكال والوان بدون كمام وبدون محد يقيس حرارتنا ليش مالنا رب



  4. الصحه مع تأجيل المدارس

    بس التربيه لأ

    لان التربيه ابخص بصحتنا من الصحه شفييييييييييييييييييييييكم

    تخلف



  5. حسبي الله عليهم ..

    والله احنا داومنا والمكااااااااان وصخ والزهيوي بكل مكااااااااان وين التنظيف اللى تقولون عنه ..

    ماقول الا حسبي الله عليهم



  6. اليوم بنتي داومت الدور الثاني وكنت معاها

    ومافي ممرضات ولاتفتيش ولاكمامات ولافي شي من الاهتمام والنظافه

    لا وبعد فيها عمال يشتغلون ويصلحون الكهرباء

    وازيدكم من الشعر بيت الطالبات داومو قبل المدرسات

    كنت انا وكم وليه امر بالمدرسه وماكان احد موجود من الاداره ولا المدرسات

    الله يعينا على هالوزاره حسبي الله ونعم الوكيل



  7. يبا الحجي اللي ينقال عن الاستعدادت والبطيخ كله حجي جرايد

    من صجكم انتوا تصدقون كلمة من اللي يقولونه !!

    طل بعينهم يسوون شي زين

    ماغير البوق والنهب والحجي الفاضي اللي فالحين فيه

    وبس شاطرين .. سوينا واستعدينا وجهزنا

    بالمشمش!!!!!!!!!!!!



  8. يبة لا استعدادات ولابطيخ ولا سبل حماية

    ماكو نظافة ولافية شغالات والغبار تارس المدارس
    وفوق هذا طلع فية مدرسات فيهم انفلونزا الخنازير وصارت حالات رعب بالمدرسات خصوصا الحوامل والى فيهم ربو
    والله ان ذنب المدرسات والطلبة برقبة الوزارة والوزيرة وكل هذا التاجيل صيرو مثل باقى الدول علشان التجار ومايخسرون
    يبة هذى حياة بشر واسر وعسا كل من استفاد من هالقرار فى اى مركز ومكان عساة للخسارة وردى الحظ دنيا واخرة



  9. انا وحده ومتقاعده وقاعده بالبيت بس حاطه إيدي على قلبي على الي يداومون من موظفات ومدرسات
    ما أقول الا حسبي الله ونعم الوكيل
    وأي أحد لاسمح الله يصيبه هالمرض راح يكون برقبة الوزاره والوزيره
    والوزيره مو هامها الا مركزها ومنصبها بس
    وشنو ناطرين الوزاره ؟؟ لمه يطيح الفاس بالراس واستجواب وتحقيق !! وبعدها يسكرون المدارس؟؟
    ما اقول الا لاحول ولا قوة الا بالله



  10. والله حبابي الكل يعرف مصلحته حنا تعبنا واحنا انقول ان الوزاره كل اجرائتهم حجي بحجي ومافي اي اهتمام بالطالب ومصلحته
    اصلا لو في اهتمام بمصلحته الطالب كان ماسوت كل هذا كان اخصمتها من اول وقالت مافي دراسه لمن تتوفر التطعيمات لانفاونزا الخنازير حفاظا على صحة وحياة الطلاب بس كل المعتاد التربيه ماهما الطالب ولا ولي الامر المهم قراراتها ولازم انها تمشي على الكل
    بس انا اقول هيهات ياوزارة التربيه موكل مره جذى هالمره غير باذن الله مافي دوام في المدارس بامر من اولياء الامور حفاظا علي ارواح ابنائهم وانا اقول لا للمدارس ليما يوصل المصل المضاد للمرض
    انا بس حابه ارد على الاخت اللي تقول انه الاختلاط موبس بالمدارس حتي بالاماكن العامه وان الناس قاعده تروح وترد وشمعني المدرسه
    انا اقولج اي نعم في بعض واردد واقول بعض مو الكل ماعندهم وعي بحجم المشكله وماهم مقدرين الوضع بس هل ياتري هم بمامن من هالمرض —— مااعتقد وهذا اكبر دليل علي اللي نسمعه ان في فلان طاح بالمرض او ام وبنتها اكتشفو فيهم المرض والحلات كثر
    وبعدين في بعضهم ماخذ احتياطاته مثل انه مايطلع اعياله واذا طلعوا لبسو كمام واخذو المعقم وياهم ويبتعدون عن الزحمه يعني يقضون الحاجه ويردون بسرعه حتي وكتهم موطويل يعني ساعه نص اوساعتين بالكثير اما بالمدرسه فهم يقعدون من خمس اوست ساعات بدون وقايه اوحمايه اوحتى اهتمام يعني تعرفون مدارسنا والاهمال اللي فيها

    وانا والله عيالي حابستهم بالشقه مايروحون ولايردون كله من هالمرض وانشاء الله بنتم كذي ليما ناخذ التطعيمات ضد الانفلونزا الخنازير
    واسفه على الاطاله



  11. و الله انتوا مهولين الموضوع و ناطرين الوزارات تساعدكم و تتحمل مسؤولياتكم شهالحجي ، المفروض تاخدون انتوا الحيطة و الحذر و تقوا انفسكم و انا كثير تكلمت عن الوقاية و بعدين تتحددث عن التطعيم و المصل اللى ناطرينه " هذا اللقاح خطر خطر خطر على صحة الناس و خاصة اللي عندهم ربو و حساسية اقروا عن الاطفال الكنديين و الأمريكيين اللى خدوا تطعيمات النفلونزا و كانوا يعانون من الربو على طول ترددوا للمستشفيات و غرف الملاحظة بسبب المضاعفات من هذا اللقاح يعنى ما منه فايدة و بل هو خطير لانهم حاطين فيه مادة SQUALINE و شوفي هذه المادة شنو تسوي بالجسم كلها سم tOXIC يعنى بالنهاية اتبعوا سبل الوقاية و توكلوا على الله الحافظ



  12. أمس ولدى دور ثانى ما شفنا أي شئ من الأستعدادات اللى يقولون عنها.. كلها سوالف مثل كل مره ..الله يعين وينظف الديره من الأمراض..



اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.