هلا بخواتي الغاليات ممكن تفسرون لي هالإحساس

هلا بالغاليات
ثقتي بكم كبيرة ، وحبي لكم أكبر
عندي موضوع صغير باطرحه عليكم وابي رايكم فيه وفيني واسلوب تفكيري يمكن اكون غلط تنبهوني يا الغاليات

بسم الله الرحمن الرحيم
عزمنا آنه وريلي أنه نزور دولة خليجية بالويك اند الياي بإذن الله ونفس اليوم اللي اتفق فيه ويا ريلي قالي بعد المغرب بازور اميقلت له انه بعد ابي ارةج حق امي ، الموضوع اللي صدمني الا ايقولي آنه قلت حق امي باحجز لها اتييني ويانه في سفرتنا

اشوة انه قالي هالكلام بالتلفون مت قهر مو لأني ما احب ام زوجي بالعكس الصيف الماضي سافرنا وياهه آنه وزوجي والحمد احبها وتحبيني واستانست ويانه ، بس صراحة اللي آنه اسوي لها ولا وحده من بناتها اتسويه لها وللعلم امي دايم توصيني عليها والحمد لله .

ام زوجي فيها طبع كله اتمسكن يعني لي قلتي لها شي اتقولج ايه معليه – كيفج دائما تخليج بالشيمة والله احبها هالكلام مو كرها فيها .

بس ام زوجي توها راجعه من اسبوعين من الهند وقبلها بالسعودية اسبوع زيارة عند حماتها ماشاء الله عليها ما لحقت تتملل علشان ريلي يعزمها اتييي ويانه.

واحنا كلها يومين وراجعين صراحة احسن من داخلي ما ابيها اتيي وياي ابي هالسفره لي ولزوجي ، آنه حاسة هالسفره مكافأة لي وهوه عزم امه .

ادري انه ذي كلام ابليس يوسوس لي بس شاسوي .

بردو على قلبي خواتي من الغلطان بذمتكم