بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
مرحبا,,
حبيت استفسر هل الاحتفال بالاعياد غير عيد الاضحى والفطر بدعة او حرام ولا حلال,,
مثلا العيد الوطني وعيد التحرير.
شنو حكم الاحتفال فيهم؟؟
وسؤال اخر
شنو حكم الاستماع الى النشيد الوطني؟
مرحبا,,
حبيت استفسر هل الاحتفال بالاعياد غير عيد الاضحى والفطر بدعة او حرام ولا حلال,,
مثلا العيد الوطني وعيد التحرير.
شنو حكم الاحتفال فيهم؟؟
وسؤال اخر
شنو حكم الاستماع الى النشيد الوطني؟
لإن الرسول صلى الله عليه وسلم قال حديث مضمونه أن ما عندنا عيد غير عيد الفطر والأضحى
حتى نبيل العوضي بسالفه عيد الحب قال ترا ما عندنا غير هالعيدين ولا تقلدون الغرب
وانا بنظري بالعيد الوطني كل البدع تصير
اول شي سالفة الحفلة الموسيقية اللي سوتها الوزارة!! هل يا ترى هذا من الإحتفال المحلل!!
ثاني شي الإختلاط المحرم والمسخرة اللي تصير بالمسيره علبونه وناسه
والله التحرير نعمة من الله المفروض نشكره عليه مو نلعب ونغضبه زياده..!
بصراحه رايي الشخصي الي نسويه تقليد للغرب بإحتفالاتهم
لإن لو تفكرين بالعقل شنو فايدته؟َ!!!!!!
كله سلبيات واللي بيعترضون بس عشان سالفة وناسه أو حجة الوطنية!!
وبالنسبة للنشيد ترى مايبيله الموسيقى والغناء حرام!
ويعني النشيد حرام الله مراح يأجرنا عليه ولا حتى بيسامحنا على النشيد علبونه وطنيه
وبس كلام الله واضح ((وَمَا آتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانتَهُوا …))
أدري اللحين بيقولون مو كويتيه !!
اليوم الوطني
السلام عليكم ورحمة الله وبركاته
ما حكم الاحتفال باليوم الوطني وتخصيص اجازة له كما لو كان عيدا ؟
جواب الشيخ عبد الرحمن السحيم حفظه الله
وعليكم السلام ورحمة الله وبركاته
قال شيخنا الشيخ ابن عثيمين رحمه الله :
كل من أقام عيداً لأي مناسبة ، سواء كانت هذه المناسبة انتصاراً للمسلمين في عهد النبي عليه الصلاة والسلام ، أو انتصاراً لهم فيما بعد ، أو انتصار قومية ؛ فإنه مُبتَدَع ، وقد قَدِمَ النبي عليه الصلاة والسلام المدينة فوجد للأنصار عيدين يلعبون فيهما ، فقال : "إن الله قد أبدلكم بخير منهما عيد الفطر وعيد الأضحى" ، مما يدل على أن الرسول صلى الله عليه وسلم لا يحب أن تُحْدِث أمته أعياداً سوى الأعياد الشرعية التي شرعها الله عز وجل .
مسألة : أسبوع المساجد والشجرة ونحوهما مما يقام ما القول فيها ؟
أما أسبوع المساجد فبدعة ؛ لأنه يُقام باسْمِ الدِّين ورفع شأن المساجد ، فيكون عبادة تحتاج إقامته إلى دليل ، ولا دليل لذلك .
وأما أسبوع الشجرة فالظاهر أنه لا يقام على أنه عبادة، فهو أهون، ومع ذلك لا نراه . اهـ .
.
فلا يَجوز الاحتفال بالأيام الوطنية ، وإن لم يُقصَد بها القُربة والطاعة ، إلا أن فيها مضاهاة للأعياد الشرعية .
وقد جَعَل بعضهم الوطن وثناً وإلها يُعبد من دون الله !
وبعضهم قدّم حبّ الوطن على حُب الله ورسوله ، بل جَعَل بعضهم الوطن هو المحبوب الأول والأخير ! على حدّ قول القائل :
وطني الحبيب وهل أُحِبّ سواه ؟!
والله تعالى أعلم .
http://www.almeshkat.net/vb/showthread.php?t=39759
http://www.islamway.com/?iw_s=Articl…rticle_id=1202
http://www.alamuae.com/vb/t250362.html
والا بس اعياد الكويت اهيه اللي حرام ومايجوز ؟؟؟ واذا كلمة عيد ما تجوز على قولتكم مو لازم .. انسميه اليوم الوطني والا كلمة يوم بعد حرام ؟؟؟ وحتى السعوديه اللي اهيه ارض الحرمين عندهم يوم وطني ويحتفلون فيه
والا شرايك ….؟؟؟؟
والا بس اعياد الكويت اهيه اللي حرام ومايجوز ؟؟؟ واذا كلمة عيد ما تجوز على قولتكم مو لازم .. انسميه اليوم الوطني والا كلمة يوم بعد حرام ؟؟؟ وحتى السعوديه اللي اهيه ارض الحرمين عندهم يوم وطني ويحتفلون فيه
والا شرايك ….؟؟؟؟
انتي تبين رضى ربج ولاوناسة نفسج؟ ((وما اتاكم الرسول فخذوه وما نهاكم عنه فأنتهو))
شنو مرت الأيات والأحاديث والفتاوى عليج مرور الكرام..!
ليش تسأليني عن رايي أنا هذا مو كلامي الرسول قال ان بالإسلام بس فيه عيدين الفطر والأضحى!
وليش تتكلمين عن السعوديه ومره تقولين رايج ومره شرايك؟
قصدج انا سعوديه ولا شنو..؟! المهم انا كويتيه وجنسيتي الي اهي ماده اولى ما راح تنزل معاي القبر
لإني ماعلي من اي شخص كان بأي دولة يسوي اي عيد او اي احتفال غير الأشياء اللي وضحها الرسول
ولا جان ابسط شي؟ احتفلنا بمولده اعظم البشريه اللي اهو طبعا بدعه؟ واعياد الميلاد وغيره؟
وليش تتكلمين عن الكويت عبالج انا ااقول باجي الدول حلال..!
انا مو مفتيه بس علي من كلام الرسول مو كلام غيره فهمتي الفرق؟!
وانتي عشان السعوديه اذا سوت شي يعني خلاص ناخذه حجه يعني اكيد اهم صح بكل الأشياء بحذافيرها!!!
شكو؟؟؟ لي احد قط نفسه بالنار نقط نفسنا وراه علبونه بلاد الحرمين!
كل انسان وجهاده مع نفسه لوجه ربه وقدر محاربته للبدع وماعلينا من فلان شنو سوى!
كل واحد بينام بقبره …
انا ما أأيد اي احتفالات ما وردت عن الرسول لإنه بدعه!
وبالنسبة لقولج تسمينه يوم وطني عشان تتحايلين على الله اقولج اقري الفتاوي اللي حطيتها مره ثانيه؟
يعني خل نفرض عيد الحب لو غيرنه اسمه وخليناه يوم الحب العالمي هل هذا يعني عادي نحتفل فيه!
شكله عادي لإنه الظاهر اانورد فيه حديث؟! عموما انا قلت رايي..
إن هالشي بدعه وانتو حرريين محد غصبكم ما تحتفلون سواء بأي دوله كنتي؟
احتلفوا احتفلوا .. وكلام الرسول مو معترف فيه بآخر الزمان!!
شلوووووووووووون الاخت كنزو تتحللها على كيفها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حلال انه الشباب والبنات يلعبون ويستهبلون مع بعض؟؟؟؟؟؟؟؟؟؟؟؟؟؟؟؟؟؟
الله يكاااافينا الشر الله راااح يغضب علينا