تخطى إلى المحتوى
الرئيسية » هل العازل فعال لتبريد ماء الخزان !!

هل العازل فعال لتبريد ماء الخزان !!

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

.

السلام عليكم ورحمة الله وبركاته :..

محتاجة خبرتكم يابنات الله يعافيكم بخصوص خزانات الماي في الصيف شنو أحسن طريقة لتبريد الماي وهل العازل ينفع وفعال وإلا ماله فايدة لأن فيه ناس يحطونه ويشيلونه ..

أتمنى كل وحدة تفيدنا باللي تعرفه

وجزاكم الله خير ..

الوسوم:

9 أفكار بشأن “هل العازل فعال لتبريد ماء الخزان !!”

  1. khouloud
    الرد

    .

    شكلي بعتمد على خبرتي المبدئية وأخلص شغلي وأجرب كذا طريقة وتالي تجيني الردود ..

    وييييينكم يابنات …!!
    محتاجة نصايحكم وتجاربكم قبل أعتمد أي طريقة ..

    شدعوه ماكو أحد عنده خبرة ..

  3. hanan
    الرد
    لا العازل ما ينفع … في مكينه تبرد التانكي موجوده عند الغانم تقدرين تتحكمين بدرجة الحرارة يعني فيها حار وبارد

    احنا مركبينها صار لنا سنتين نستعملها صيف و شتاء …. ان شاء الله اكون افدتج

  4. kamiliya
    الرد

    .

    يسلمو على الرفع إختي أم يوسف
    بارك الله فيج ..

    Gulum يعطيج العافية أختي وتسلمين على الإفادة
    بس آنا سمعت إنها مو صحية هالمكينة وجنة قالوا تسوي سرطان أو شي الله يحفظ الجميع ..

    بس أتوقع العازل (يخفف) الحرارة على الأٌقل صح وإلا أنا غلطانة ..
    يعني مو شرط يصير الماي بارد .. بس أقل حرارة ..
    وإلا ما يأثر نهاائي ..!

  5. mira
    الرد
    لا يا حياتي الجهاز مثل وحدة التكييف ويتركب جنب التانكي من بره وفي بايب اللي يطلع الهوا البارد يتركب على التانكي من فوق وما يحوش الماي نهائي اهوا يبرد الهوا اللي داخل التانكي وحتى اول ما يشتغل يحتاج 12 ساعه على الاقل حتى يبرد ….
    وهذا اللي خلانا نشتريه …

  7. hanan
    الرد
    مثل ما قالوا البنات مكينة التبريد واذا ما تبينها في مراوح تتركب على فتحة خزان الماي تبرده و يكون الماي فاتر في ناس مركبينها لكن ما أدري من وين الي اعرفه ان سعرها ارخص من المكينه

  8. hamida
    الرد

    اقتباس:
    المشاركة الأصلية كتبت بواسطة Gulum
    لا يا حياتي الجهاز مثل وحدة التكييف ويتركب جنب التانكي من بره وفي بايب اللي يطلع الهوا البارد يتركب على التانكي من فوق وما يحوش الماي نهائي اهوا يبرد الهوا اللي داخل التانكي وحتى اول ما يشتغل يحتاج 12 ساعه على الاقل حتى يبرد ….
    وهذا اللي خلانا نشتريه …

    مشكورة يالغالية على المعلومات بس من جد يقولون المشكلة في مادة الرصاص اللي تكون موجودة على الأنبوب اللي داخل الخزان .. وخوفونا منه ..

    وهذي الجزئية مقتبسة من أحد المواضيع اللي تتكلم عن الخزان ومشاكله ..

    اقتباس:
    كما لا يخفى على أحد ما تقوم به بعض الشركات من تركيب أجهزة لتبريد الخزانات ، غير أن هذه الطريقة لها عدة مشاكل من أهمها وجود مادة الرصاص على أنبوب التبريد الذي يكون داخل الخزان

  9. mira
    الرد

    اقتباس:
    المشاركة الأصلية كتبت بواسطة يارضاها
    نصيحه مجرب مالج غير مكينه التبريد

    يعطيج العافية يالغالية
    المكينة الكل يمدحها والظاهر إنها الحل الوحيد الفعال مع حرارة صيفنا
    بس المشكلة في الرصاص .. مانبي نحل مشكلة وندش بثانية ..

    اقتباس:
    المشاركة الأصلية كتبت بواسطة Dreamer
    مثل ما قالوا البنات مكينة التبريد واذا ما تبينها في مراوح تتركب على فتحة خزان الماي تبرده و يكون الماي فاتر في ناس مركبينها لكن ما أدري من وين الي اعرفه ان سعرها ارخص من المكينه

    مشكورة على الإفادة يالغالية
    المراوح فعاااالة مية بالمية وكنا مركبين وحدة على فتحة الخزان ووالله كان الماي ثلج
    ونضطر نفصل المروحة حتى يسخن الماي شوي ..
    بس المشكلة عاااد في الغباااار لأنه كان يدش من فتحة المروحة ..
    فاضطرينا نلغيها ..
    أنا ما أدري لو نركب مظلة على الخزان راح يفيد وإلا بتظل الحرارة مثل ماهي ..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.