هملتني / للحزن / والعبره / وليلـي / والطيـوف .

هملتني / ظ„ظ„ط­ط²ظ† / ظˆط§ظ„ط¹ط¨ط±ظ‡ / ظˆظ„ظٹظ„ظ€ظٹ / ظˆط§ظ„ط·ظٹظ€ظˆظپ
وخليتني ما بين لوعـات .. ( الهمـوم الاربعـه )

حزن ٍ / غدا طابع حياتي كل ما اغمـض واشـوف
مدري هو اللـي كـان يتبعنـي أو انـي اتبعـه !!

والعبره / .. اللي هلها رجـال .. والسبـه هنـوف
ليلة مساء ذاك الـوداع .. وهـل صافـي مدمعـه

وليل ٍ / بدونك .. ظلمته (غربه) ولحظاته (سيوف)
تقطع جدار الصمت .. في صدري وتمسي بضلعـه

وطيف ٍ / يداعب خاطري حتى وانا بين الضيـوف
ومن قال وش بك يا ولد .. سرحااان .. ازريت اقنعه

وش باتعذر به !! وانا مابين هـم .. وبيـن خـوف
وشوق .. يغايض قلبـي المجـروح حتـى ينزعـه

لو انها بالزين .. كان الزين مـن غيـرك الـووف
المشكله .. ( حب العمى ) .. يا جعل ربـي يقلعـه

ان ابتعدت آموت هم .. وكل ما جي لـك شغـوف
كنك تعمد ( ضيقة الخاطر ) .. ولو فيهـا سعـه !!

اواه يا قلب ٍ تركته لـك !! علـى بيـض الكفـوف
واللي مهو يصدق !! على كفـك يلاقـي مصرعـه

تشوفني وتصد منـي.. لا !! ولا كنـك تشـوف !!
تقدر على وصلـي واحسـك قـدك نـاوي تقطعـه

تقول صبرك !! والصبر ليتـه يبـرد حـر جـوف
اسهر ليالي البعد .. لين الفجر .. يبلـج مطلعـه !!

(( غيابك القاسي .. وباقي لهفتي واقسى الظـروف
ما غيرت قلب .. ما هو يبغي تكون .. إلا معـه ))

إن كان ربي كاتبك لي .. فأنت لي .. رغم الانـوف
واذا القدر ما عـاد ردك .. يستحيـل ان امنعـه !!

انت .. ومشيت وما اعرف وشهي نهاية ذاالصـروف
وصوتك / ما انا بداري .. هو ربي كاتب ٍ لي اسمعه

لا قدك ناوي ترحل وتقفي مع بيـض القنـوف !!
قلب ٍ خذيته من صدر راعيـه .. تكفـى رجعـه !!
حسيتهاااااااااااا ورااااقت لي