وأخيرااااا يبتلكم طريقة رول الدياي + بف بيستري الدياي من البنوته

السلام عليكم ورحمة الله وبركاته

اشلونكم حبايبي

وأخيرا يبتلكم طريقة رول الدياي وبف بيسترب الدياي من عضوتنا الحبوبه *البنوته*
وتسلم ايدينها …

وسامحوني لأني اكتب بالعامي

رول الدياي

المقادير:
شاورما دياي امريكانا
سماق
عجينة السمبوسه
جين قلاس المراعي
1-2 كريمة حمراء
مشروم مقطع

1) تييبون شاورما دياي امريكانا … تحمسونها على النار واتحطون فوقها سماق
2) اتييبون عجينة السمبوسه وضيفولها خلطة الدياي ولفوها رولات وصفوها بالبايركس
3) على جنب حطوو جبن قلاس المراعي كامل مع واحد ونص ولا اثنين كريمة كيديدي حمرا وخلطووهم بالخلاط. (الصوص)
4) ضيفوا المشروم المقطع فوق الرول
5) صبوا الصوص على الرول ودخلوه الفرن وخلوه لين تحسوون انه الطبق من فوق تحمر واشوي الصوص صار جامد

وبالهنا والشفاء

بف بيستري الدياي

المقادير:
دجاج نجتس ساديا أو دجاج شرائح
بف بيستري امريكانا او سارا كيك
شوي ثوم
فلفل اسود
اوريجانو
كريمه حمراء
ملعقة جبن قلاس
ملعقة مايونيز
ذره

1) اول شي نقلي دياي نجتس ساديا ونقصصهم اقطع صغار او انكم تفلسون دياي صدر شوفوا اللي اسهل
اثنيهم يادوون نفس الغرض
2) اتييبون مقلى ونحط شوية زيت مع شوية ثوم نحمسه ونضيفله مشروم ونحمسهم مع بعض حتى يتحمر وينشف شوي
3) نصب فوقهم شوي من الكريمه الحمراء ونحمس جيدا حتى اتحسونه قاعد يتشرب
4) نضيف فوقهم الدجاج مع بقية الكريمه الحمراء
5) يتم تحريك الدجاج حتى تحسونه يتشرب الكريمه ونضيفله ذره ويحرك مع بعض
6) نضيف اوريجانو مع فلفل اسود ونخلط جيدا
7) نضيف ملعقة جبن قلاس مع ملعقة ميونيز (حسب الكميه إذا اكثر نضع ملعقتين) ونخلطهم جيدا وهذه تكون الخلطه ونضعها على جنب

8) نحط طبقة من عجينة البف بيستري ونضع طبقه منه بالبايركس
9) نصب فوقه خلطة الدجاج
10) نقص قطع البف بيستري على شكل خيوط ونصفهم فو الخلطه على شكل شبك
11) يدخل بالفرن ونشعل النار اللي تحت حتى تستوي العجينه ومن فوق نار هاديه مجرد انه ينتفخ من فوق طفي النار اللي فوق عشان لايحترق

وبالهنا والشفاء

وعليكم الف عافيه وتسلم ايدينج يالبنوته