السلام عليكم ورحمه الله وبركاته
بسم الله نبلش بالمقادير
بطاط مقصص مكعبات ومقلي
خضار مثلجه
طمامط مقشر ومقصص صغار
معجون طماط ك دي دي ربع علبه
بصل مقصص
ثوم وزنجبيل مقصص
فلفل حلو مقصص مربعات
شبت مفروم . ملح وبهارات برياني دجاج وبهارتج اللي تحبينها
وفلفل علوب حاار ..تغسلين كل الخضروات وتقصصينهم وتخلينهم علي صوب
وتيبين الدجاج وتغسلينه عدل بالليمون والملح والطحين لين تحسين حده صار يلق وتشيلين الجلد كله وتقصصين الدجاج حسب ماتحبين وتحطين عليه بهارات البرياني وليمون وملح وزنجبيل مطحون
وتحطين من الاجار هذا لأنه سر واساس الطعم الحلو حق الطبخه وتحصلينه بمركز سلطان
وتخلين الدجاج منقوع فيهم نص ساعه اقل شي
ويكون جذي شكله
بعدين نحمس البصل والثوم والزنجبيل بشويه زيت
بعدين نحط الدجاج وتقلبينه وتسكرين الغطا لين ينشف الماي منه
بعدين نظيف كل الخضروات اللي مقصصينهم فوق الدجاج ونقلبهم شوي
بعدين نحط ماي حااار ونظبت الملح ونحط قفشه بهارات برياني ومكعبين ماجي ومعجون الطماط والخضار المثلجه ونسكر الجدر ونخليه لين يستوي الدجاج ويذووب يعني تقريبا ساعه او ساعه إلا
بعدين نحط البطاط و نحط العيش اللي بنكون غاسلينه ومنقعينه ربع ساعه قبلها (علي حسب نوع العيش انا استخدم انديا جيت بسرعه يستوي)
ونخليه حوالي نص ساعه علي النار أو لين تحسين انه العيش استوي
وجذي بيكون شكله
وعقب ماننجبه
بس يابنات لاتجربونها بدون الاجار لأنه اهو الاساس مال الطبخه وطبعا نسوي معاها سلطه خضرا وروب ودقوس
وبالهنا والشفا يااااااااارب وابي رايكم 
انا ماحطيت مقادير لأنه كل وحده علي حسب الكميه اللي بتطبخها والطباخه الشاطره مايبيلها مقادير .gif "Eh S(7)")
كافي الطريقه بس
عليكم بالعافيه ياارب واللي بتسويها امانه تقولي رايها بالطعم
سلااااام
السلام عليكم ورحمه الله وبركاته
بسم الله نبلش بالمقادير
بطاط مقصص مكعبات ومقلي
خضار مثلجه
طمامط مقشر ومقصص صغار
معجون طماط ك دي دي ربع علبه
بصل مقصص
ثوم وزنجبيل مقصص
فلفل حلو مقصص مربعات
شبت مفروم . ملح وبهارات برياني دجاج وبهارتج اللي تحبينها
وفلفل علوب حاار ..تغسلين كل الخضروات وتقصصينهم وتخلينهم علي صوب
وتيبين الدجاج وتغسلينه عدل بالليمون والملح والطحين لين تحسين حده صار يلق وتشيلين الجلد كله وتقصصين الدجاج حسب ماتحبين وتحطين عليه بهارات البرياني وليمون وملح وزنجبيل مطحون
وتحطين من الاجار هذا لأنه سر واساس الطعم الحلو حق الطبخه وتحصلينه بمركز سلطان
وتخلين الدجاج منقوع فيهم نص ساعه اقل شي
ويكون جذي شكله
بعدين نحمس البصل والثوم والزنجبيل بشويه زيت
بعدين نحط الدجاج وتقلبينه وتسكرين الغطا لين ينشف الماي منه
بعدين نظيف كل الخضروات اللي مقصصينهم فوق الدجاج ونقلبهم شوي
بعدين نحط ماي حااار ونظبت الملح ونحط قفشه بهارات برياني ومكعبين ماجي ومعجون الطماط والخضار المثلجه ونسكر الجدر ونخليه لين يستوي الدجاج ويذووب يعني تقريبا ساعه او ساعه إلا
بعدين نحط البطاط و نحط العيش اللي بنكون غاسلينه ومنقعينه ربع ساعه قبلها (علي حسب نوع العيش انا استخدم انديا جيت بسرعه يستوي)
ونخليه حوالي نص ساعه علي النار أو لين تحسين انه العيش استوي
وجذي بيكون شكله
وعقب ماننجبه
بس يابنات لاتجربونها بدون الاجار لأنه اهو الاساس مال الطبخه وطبعا نسوي معاها سلطه خضرا وروب ودقوس
وبالهنا والشفا يااااااااارب وابي رايكم
انا ماحطيت مقادير لأنه كل وحده علي حسب الكميه اللي بتطبخها والطباخه الشاطره مايبيلها مقادير
كافي الطريقه بس
عليكم بالعافيه ياارب واللي بتسويها امانه تقولي رايها بالطعم
سلااااام
وتسلم ايدج
بس شنو نوع الاجار .. انا بصراحه احب هالماركه وخاصه من عقب موضوع ام منصور
عندي نكهه الثوم والزنجبيل وعندي مانغو وعندي ليمون (بس حار)
النوع اللي تستخدمينه شنو؟
بس شنو نوع الاجار .. انا بصراحه احب هالماركه وخاصه من عقب موضوع ام منصور
عندي نكهه الثوم والزنجبيل وعندي مانغو وعندي ليمون (بس حار)
النوع اللي تستخدمينه شنو؟
الله يسلمج حبيبتي
الاجار مكتوب عليه مخلل مشكل rajah mixed pickle
وتحصلينه بمركز سلطان حبيبتي
شاكره مرورج
وتسلم ايدج
وايدج ياقمر
شكله خنييييييييين
شكله خنييييييييين
وايدج ياقلبي ومشكوووره علي مرورج (حدج ونستيني والله )
الله يعافيج ياقلبي
وايدج حبيبتي
حياتي والله الحين ادزلج صحن بس دزي عنوانج
شاكره مرورج
تم الحفظ
يسلمووووووووووووووووووووووووووووووووو
وتسلم ايدج