واعليه واعلى حالي كنت الاول صرت انا التالي

مرحبا معلمات شلونكم

بقولكم قصتي وانتوا حكموا
انا هالفتره مضغوووووووووووووووطه بدزة اخوي وبعدها زواجه
الموووووووووووووهم
ماامدح بنفسي اول شي انا مدرسة مادة غير اساسيه لكنها حلوه
احب طالباتي وطالباتي يحبوني
مااغيب الا للشديد القوي
احب دوامي ومخلصه فيه
تحضيري ووسائلي كامله
صارلي جم سنه نصابي اعلى نصاب
وماتكلم
صايره حق المدرسه(………….مكده وكراف)
للعلم سيارتي جديده وغاليه وفوق كل هالشي
يكرفوني مشاوير لشويخ والضجيج ولي كشخنا الجمعيه

كافيه شري لكن خيري لا مسويته سبيل
نظام مدرستي في حال انه المواد الاساسيه يبون حصص منا نعطيهم من غير تردد والسبب يكون لصالح الطالبات علشان يخلصون المنهج واعتقد من عمر الدنيا المدارس ياخدون حصص اضافيه من (بدنيه-اقتصاد_فنيه_موسيقى)
ومثل ماقلت لكم الماده مو اساسيه وماعليها درجات
توجيهنا العزيز بالتعاون مع رئيسة القسم عايشين الدور انه احنا ماده اساسيه لا واهم من الفيزيا
الحصص ماتتوزع ماعدا(حصص المدرسه الاولى) وكلها حصتين بالاسبوع ومالها خلقهم
انا كنترول وحصص واشراف ومناوبه وشغل المدرسه الي بره وقت الدوام وكل هالشي وانا اعتبر فاضيه وماعندي شغل
امس رحت مع مدرسه مستجده علشان نوزع حصصها لانه عندها اليوم دوره وامسكتني مدرسه من المدرسات وطلبت مني اعطيها صف من صفوفي لانهم متاخرين وانا قلت لها مومشكله ووافقت بسرعه لانه عرس اخوي باجر وكل يوم اخلص دوامي وركضه اخلص شغل العرس وكل شي على راسي
والدرسه الاولى عارفة بوضعي
لو كنت مااخاف ربي جان غبت وقلت بالطقاق لكن استحرمت اني اغيب
والعرضي مايعطونا الخميس ولا الاحد
اليوم رئيسة القسم اجتمعت فينا وسمعتني كلام يسم البدن
بما معناه اني انا وحده حياله والف وادور ومستهتره وانه اهيه وايد متستره علي وعلى اهمالي
وبنفس الوقت قالت انتي قبل لاتغيبين توزعين حصصج واتشيلينا هم الاحتياط
شهالتناقض

اقسم بالله يابنات الكلام الي كتبتبه مو مدح بنفسي والله انه صج
انا الي زعلني بعد انها اليوم وقت حصتي تمر علي جم مره تبي تتاكد اني اشرح ولا لا شخباري هالحركات سوالف الخاله والجنه(مرت الولد)
والكلام الي قالته مو وقته
انا ابي كلمه تريحني وتفرحني
والله اني حيل تعبانه من مسؤولية العرس ولويته عسى ربي يتمم فرحتنا على خير

يعني مو قادره تمسكت نفسها لي الاحد وتقولي هالكلام الي بعيد عن الحقيقه
حتى الي معاي بالقسم تضايقوا من كلامها
وطرشولي مسجات يواسوني فيها فديت قلبهم
انا وضحتلها وجهة نظري بس مادري عنها
مشكلتي اني طيبه وبسرعه انسى الاسائه
وللعلم اهيا كل سنه تطلعلي بسالفه يديده
وسلامتكم