وافوض امرى الى الله ان الله بصير بالعباد

اولا اسمحيلي بس بصراحه غلطانه تسوين هالاشيا لواحد نفس هذا ، اذا كان واعدنج بالزواج او يسوي شي لمستقبلكم كان ممكن بس واحد مثل هذا يحب يشوفج تركضين عشانه بصراحه مايستاهل

ثانيا ، شو الاحسن قوليلي : فلوس اللي كنتي تصبرين عليهم بدال ما تشترين لج اكل تروحين تجمعين له عشان تشترين له بلاك بيري واخر شي الله يعلم في شو يستخدم هالتلفون يمكن في اشيا حرااام وكلل الذنوب تروح لدفتر اعمالج؟

ولا انج تاكلين في هالفلوس او حتى تجوعين عشان تشترين اكل وملاابس للفقراء المساكين المحتاجين وتكسبين فيهم اجر وتفريج هم وكرب ؟

الحين اتصدقي للفقراء المحتاجين شوفي دعواتهم الحلوه اللي بتطلع من لسانهم لج انتي لانج تصدقتي عليهم ، والله عن تجربه اني كنت في ضيق شديد وانتظر شي من ربي وشفت فقير يطلب مني فلوس ودخلت ايدي في الشنطه وقلت بخاطري والله اي مبلغ يروح بايدي بعطيه حتى لو كان اخر فلوس في شنطتي بس لوجهك الكريم يالله، وعطيته وسمعته يدعيلي بادعيه حلوووه بس دعوه وحده اللي انتهبت لها وهي ان هالفقير قالي يارب يفرجها عليج تخيلي نفس اليوووم بعد ساعات الله بشرني بشي ماكنت حاطتنه ببالي ابدا

انتي بعد تصدقي ولو بدرهم او ابعاد الاذى عن الطريق

وثالثا ، انتي ظلمتي نفسج وهو ظلم نفسه وظلمج انتي بعد، لانج كلمتي واحد مايصيرج علاقه محرمه، ومثلما انتي انقهرتي وانظلمتي ربج فووووق وعد المظلومين انه راح ينصررررهم ، افتحي يوتيوب واقري مواضيع فالمنتدى عن استجابة الدعاء وشي مواضيع عن المظلومين ، وسمعت قصه صياد انظلم من تاجر خذا منه السمكه الوحيييده اللي يسترزق فيها لعايلته التاجر خذاها غصبا عنه وعطاه الفلوس بعدين الصياد دعا ربه بهالدعاء "اللهم مثلما أريتني قوته فيني ارني قوتك فيه" تخيلي شو صار له؟ اول ما مسك السمكه من الصياد دخلت شوكه في اصبعه يعني نفسسسس الوقت وبعدين زاد الالم لين بتروا له الاصبع بس بعدين رجع الالم وبتروا كفه ورجع الالم واضطروا يبترون ايده لين الكوع ورجع الالم وبتروا ايده كااامله لين الكتف تخيلي ، التاجر تععععبببب وقال شو فيني ياربي بعدين ما راح السوق وظل ينااادي في السوق ياااناس من رآآني لايظلمن أحدا ، ويكرر هالجمله بعدين شافه واحد وقال شو فيك وحكاله التاجر القصه قاله انت ظلمته وهالمظلوم ما حللك اذا مارحت تعتذر منه راح تظل تتألم ويبترون اعضاءك لين تموت روح واسرع ودور على المظلوم واعتذر منه ، بعدين راح يدور على الصياد لين شاف الصياد وبكى عنده وعند رجوله وترجاااه عشان يحلله ، والصياد قاله والله حللتك لما رأيت الى اي حال وصلت اليه، وسآلته التاجر انت شو دعيت عشان الله جذي يسوي فيني قال الصياد انا بس قلت "اللهم مثلما أريتني قوته فيني ارني قوتك فيه"

انا حاسه فيج لاني مظلومه وحالتي تعبااانه وايد بس قلت بخفف عليج

والله ثم والله انج اذا تقربتي لله اكككثر راح ترتااحييين وينصرج عليه ، استغفري ربج واااايد عشان يغفر ذنوبج ويستجيب لدعائج والله رحييييم ارحم عليج من هالعبد اللي مخلوق من طين ، روحي الحين الوقت باخر الليل وهالوقت يكون افضل وقت للدعاء وقيام الليل روحي اسجدي لربج وخري باكيه له وتذللي له الله اولى انج تذلين نفسج له من هالعبد القاسي الظالم، روحي اطلبي من ربج المغفره وانه ينصرج والله العظيم اقسم بربي انه ماراح يخيبج خاااصه انج الحين في اصصعب اوقاتج انتي الحين في حالتج هذي اذا رحتي دعيتي بتكونين عبد مضطر والله مايخيب دعوة المضطر اذا دعاه

كلما تضايقتي ادعي وصلي ، دااااايما صلي قيام ليل وادعي لاتتركين قيام الليل والاستغفار والصلاة على النبي عليه الصلاة والسلام والصددددقه اهم شي لانها تطفيء غضب الرب

والله انه عندي دوام بس قلت بكتب لج اخفف عنج

مابي منج شي غير انج تدعيلي ربي يعطيني اللي ببالي وينصرني على اللي ظلموني ، لانج انتي بعد بتسفيدين من هالدعوه لي ، لانه ملك على يمينج وشمالج كلما دعيتي لحد يقولون لج ولك مثله ، اذا مظلومه ادعي للمظلومين ينتصرون بيقولون لج ولك مثله ، انا الحين مظلومه وبليز ادعيلي بظهر الغيب انه ربي يعطيني اللي ببالي وينصرني على اللي ظلموني بالطريقه اللي اباهالاني مثلج اباهم اييون لين عندي ويترجوووني ويصيييحون عشان اسامحهم وارجع صداقتي معاها مثلما خلتني اصيح واتعذب