والله لذيذه دجاج بالكريمه والسبانخ والبطاط

بسم الله الرحمن الرحيم

طبق لذيذ وسهل وماينشبع منه صراحه ومقاديره :

دجاجه 1+ كريمه كويك ويب 1+ سبانخ مثلجه 1+جبن كرفت او بوك 2 ملعقه + بطاط 4 كبيره + جبن موزريلا شويه عادي + بصلتين مقطعين جوانح جنها حرف الراء+شويه بهارات احلى شي ابو سفينه القوطي الاخضر وملح وفلفل اسود

هو دجاجه وحده تطبخينها على طريقتج واهم شي مستويه ثم تنتفينها وتشيلين العظم والجلد وتصير دجاج مسحب خليه على صوب

تفوحين جم بطاطه كبيره سلق يعني ولازم تحافظين على حرارتها قبل تشتغلين فيها

تقصين بصلتين جوانح تصير جنها حرف الراء وتخلينهم وسبانخ مثلجه مفرومه خليها تذوب على راحتها

تحمسين البصل وتحركينه وقبل يذبل تحطين الدجاج والبهارات والفلفل الاسود والملح وتحركينها واهم شي ما يذبل البصل حيل وتحطين السبانخ وتحمسين وبعدين

تحطين الجبن قلاص والكريمه فوقه وتحركين وريحته تشمينها حلوه وحركيه لحد ما تقريبا راحت الكريمه بس مو ناشفه

تحطين الحمسه بصينية الفرن وترصينه عدل

بعدين تاخذين البطاط وتخلطين معاه الجبن موزريلا وهو حار وتدقينه لحد ما يصير ناعم وتاخذين شويه شويه وترصينه على وجه الصينيه ويصير طبقه وحده والدجاج تحته ودخلينها الفرن تحمر من فوق

وبعدين تقدمينها وبالعافيه والله ناكلها بالقفاش بدون خبز من كثر ماهي لذيذه

_03ba:

والي تسويها تحط الصور لاني ماعرف انزل الصور