وجاء اليوم الموعود لووول < يوميات CoFFEe SmeLL >والحرب الطاحنة مع" كرشة التعاسة"

السلام عليكم يا حلواااات

بنات .. بابدا أقولكم نبذة عني .. خليكم معاي .. !

انا متزوجة وعندي عنون .. وقت الحمال ما متنت نقصت
بس بعد الولادة ب 6 أشهر تقريبا بديت امتن

كان وزني ببداية ال80 ووصل بعد 11 شهر من الولادة 89

وطول هالفترة هذي وانا احس شهيتي جنها ((( مكنسة ))) .. أبي يوم واحد أتشجع فيه على ريجيم او تخفيف ماكو
حيل ازلط بهالأكل .. غير الكاكويات وما لذ وطاب ..

لين يا اليوم الموعود اللي أنطره
وهو أول أمس اللي قررت أبدا أسوي فيه ريجيم وأخفف
على اني أبدأ الريجيم من باجر اللي اهو ( أمس )

وكالعادة كلنا نبي نضعف بسرعة بوقت قصير
وحطيت لي مبدأ قبل لا أبدا الريجيم

وهو

1- أختار الريجيمات ذات الفترة القصيرة عشان ما أمل وأتحبط وأحد يقص علي بقطعة كاكاو ولا صحن عيش ولا غنجة معكرونية

2- ما أختار إلا الريجيمات المقدور عليها واللي أشوفها معقولة مو جنها أكل طيور>> لووول
3- أنوع بين أنواع الريجيمات
4- أسوي رياضة أقل أقل شي ربع ساعة >> مو قاعدة أسوي أكثر من جذي واخترت رياضة ( جهاز القاري )
5- لازم احط ببالي أن لازم أيوع عشان أضعف ( لأن احساس الجوع دليل الضعف ) يعني لازم أأقلم نفسي على هالشي

وبابدا وياكم أكتب لكم يومياتي وشنو قاعد أسوي وجم نزلت

الوزن حاليا: 89 كيلو
الوزن النهائي اللي بوصله : 65
طبعاً أبي اوصله على مراحل

انا بادية توني أول ريجيم من أمس تاريخ 16/ 11 / 2024 اللي اهو يوم الاثنين

طبعاً بحطلكم كل ريجيم أسويه والوزن اللي نزلت عليه وخلال شكثر
وشكثر هدفي اني أنزل منه

تابعوني ..