((وجهه القمر +سلطه الفتوش برمان الي ماشفتو مثلهااا ف حياتكم)) بصـــور <<حياكم

السلام عليكم ورحمة الله وبركاته ..

اليوم بقدم لكم طبقين
الطبق الاول (1)
وجهه القمر
والطبق الثاني (2)
سلطة الفتوش بس مو اي سلطة فتوش ..

بسم الله
(1)
لطبق الاول تحتاجين
2بصل مقطعين صغار
1دجاجه مسللوقه (مسلتينها طوال طوال بعد السلق)<<متعوب على الشرح ههههههه
بصل مقصص صغار
1جزر مبشور
صره كامله بقدونس
وشوية ذره
وحبتين ماجي مذوبين في كوب ماي حار
وعلبة قيمر صغيره
وجيس واحد توست
وبس
والصوص فوق (قمير كويتي واحد+قلاص جبن كرافت)

اول شي تحمسين البصل طبعا تخلينه ليما يتغير لونه بعدين تضيفين عليه الجزر وتخلين البصل ياخذ لون الجزر وبعده حطي الدياي ..
وتخلطينهم مع بعض عدل وبعدها بشوويه بس تقريبا دقيقتين الى 3 دقايق تحطين فوقهم البقدونس والذره
وتصبين عليه كوب الماي الي فيه الماجي وتخلطينه مع بعض عدل وتخلينه اشوي على الاقل 5 دقايق كلعم مع بعض ..
واخر خطوه تحطين القيمر بس دقيقه اخلطيهم مع القيمر شوفي شلون شكله ..

وبعده
تجيبين البايركس مالتج
وتقطعين اطراف التوست (طبعا عارفين شلون )
وتصفينه ف البايركس وتجيبين خلطة الدياي هذي وتحطينها فوق التوست حلو لحد الان !

عقب ماتحطين حمسة الدياي ردي مره ثانيه صفي توست فوق الخمسه (يعني توست فوق وحمسة الدياي بنص وتحت توست)
ووبس
اذا صفيتي الطبقه الثالثه (التوست)
خلطي قيمر واحد+جبن كرافت (قلاص)
وبتصيرلج بهشكل ((انا زينتها من فوق بشوية صمااغ)

ودخليه الفرن ليما يتحمر ..
وهذي لكم ..

((جربوهاااااا وايد لذيذه ))

والحين العروووس ههههههههههههه قصدي الفتوش
بليــــز بنات لحد يرد بكمل ..