وداعا يارشاقتي العزيزه . واهلا بسمنتي القبيحه

السلام عليكم ورحمة الله وبركاته

تعالي ..

اي اي انتي

جم وحده فينا حست ملابسها ضاقت!!

وراحت للميزان …..

ولما وقفت تتامل رقمها اللي تعودت عليه من شهور نفسه,,,

فجاءه

زايده اكثر من زونج بزياده

تنزلين من الميزان مو مصدقه

تردين تصعدين مره ثانيه تتاكدين صج والا يخورها الميزان ؟؟؟

يؤؤؤؤؤؤ

امبيـــــــــــــــــــه متـــــنـــــــــــت ….!!!

شسوي شنو اكل لالالا لازم اضعف وراي …

تخرج

عرس فلانه

سفر

تقومين وتشدين حيلج وتقررين تروحين الجمعيه وتكتبين اغراض الرجيم من هالاوراق اللي ميمعتها من دكاتره بو اسبوعين

والا من رجيمات النت ويالله خلاص باجر

الســـبت

اول بدااايتي وبوزن يوم الجمعه وبشوف جم انزل ,,,,

شريتي عاد

الخضره

خس بقدونس نعناع … الخ

الفواكه

برتقال تفاح كيوي اناناس

توست اسمر جبن لايت الخ

ترستي هالسله وحاسبتي كل اغراضج

طلعتي من هالجمعيه ورحتي للصيدليه وشريتي حبوب قبل الاكل وبعد الاكل وفيتامينات

وبكامل فرحتج

صفيتيهم في ثلاجتج

وورقة الرجيم لصقتيها علي الطوفه والجدول

الله ياسلام خلاص نويت الرجيم باجر اضعف واصير احلى وحده في ,,( التخريج ) او (العرس )او(السفر والبس علي كيف كيفي بلا احراج )

نمتي ,,,,

قعدتي الصبح

نسكافيه

توسته

بعدها

عصير

بعدها

توسته دبل

تقولين بينج وبين نفسج انا باليوم الاول عادي توسته دبل ماتضر … !

يا وقت الغدا

كليتي حبة قبل الاكل

وكليتي وجبة الغداء كامله صح وماشيه

بعدها شغلتي ال تلفزيون

احم احم

مسكتي نفسج ليمه صار المغرب … عفيا عليج

وقت الكابتشينو والا النسكافيه مع البسكوت او التمر

شدييتي حيلج وسويتي رياضه

ورحتي خذيتي شور بعدها ارتحتي

حسيتي انج مرتاحه ….!!!

اممممم

رديتي للتلفزيون

تبين تعلجين

كليتي علج

ممم ؟؟

مانفع

كليتي تمره

وتقولين متى اتعشى ؟؟؟

فجاءه؟

دعاية

ماكدونالدز

اخر شي كلمة الايحاء العقلي

انا احبه

شغلتي سيارتج وطيران وجبه
وزياده ساندويتش ؟؟؟

والبيبسي دايت !!!!!!

كليتي وطاب خاطرج

بعدها قلتي ماعليه اعتبرها وجبتي ال حررره بالاسبوع ماصار شي

وباجر نفس القصه

بس مع زياده الككاو والووجبه السريعه والبلاوي

وتي تي تيتي زي ماروحتي جيتي

واكلج اللي شريتيه خاس بالثلاجه وانتهى وانتي ما فتحتيه