ودعي المترهلة مع اعييز

بسم الله الرحمن الرحيم ،،

خواتي العزيزات حبيت افيدكم وياي بتمارين لمنطقة الزند ، يساعدنا ان نشد هالمنطقه ونمنع الترهل عنها !

بشرط : الاســــتمراااااااااار

وان شالله بنشوف نتيجة مرضية

الحلو فيهم خفيفين ظريفين ..

نبدي ..

التمرين الأول

لو تلاحظون ان احنا :

1. فاردين ايدنا وماغطينها حدها .
2. الاصابع مبعدينها قد مانقدر .
( عذرا على الوصف بس شفتو الكمه شلون بيصير جذي شكل ايدنا.. بس عاد نكم على اليمين واليسار مو على اللي مجابلينا )
3. نحرك الايد مع الذراع طبعاً (اليمنى واليسرى= 1+2 ) مع بعض وبوقت واحد .
4. الحركة بتكون مع عقارب الساعه 15 مره .
5. عقبها عكس عقارب الساعه 15 مره بعد .

بدووون لاتثنونها .. ولازم تكون ممقوطه ومشدوده عشان تحسون بالمنطقه انها تشد معاكم .

التمرين الثاني

1. نفرد ايدياتنا الثنتين لي جدام هالمره .
2. نخلي الايد اليمنى فوق وتحتها اليسرى .
3. ضمو اصابعكم (جنكم بتطقون احد بـوكـس) وخلكم قابضين ايدياتكم .
4. الحين تبدلون مكان اليمنى مع اليسرى .
5. الايد مشدوده ومفروده وابدو عدو لما الـ30

وأي سؤال آنه حاااااضرة