ورق جدران من صنع ادينج ولا احلا

يااااهلين ومرحبتين باحلا كويتياات
هذي اول مشاركة لي واتمن اشوف التشجيع علشان ماتكون اخر مشاركة انشالله

تدرون بالجازه يزيد وقت الفراغ
وتكثر الافكاار والابداعات (الخرابيط بالاصح )
بالصيف الي طاف وانا اتامل فكرت اني اسوي شي بدال قعدتي
فقررت اني اسوي ورق جدران بس هالمره شي غير
مااطوله عليكم
فكرت الورق جدران اهي النوت الموسيقية بشكل عشوائي علي كل الدار
يعني حطي ولزقي

الادوات المستخدمه :
نوت موسيقية
غرا (صمغ الخشب )
رول الصبغ

التنفيذ :
1-اول شي لازم تكون ارضية الطوفة مسطحة يعني مايكون الصبغ القديم خشن الملمس
2- تصبغ الغرفة بلون الابيض او اي لون يناسب لون الورق الي انتي طابعه عليه النوت الموسيقية مثال : اذا لون الورق اصفر لون الصبغ يكون اصفر
3- يخفف الغرا بالماء يعني اذا حطيتي علبتين غرا حطي معاهم نفس مقدار العلبة علبه وحده ماي
4- برول الصبغ تحطين شويه غرا وتلزقين فوقة ورقة وتحطين فوقها بعد غرا
اول شي علشان تلزق عدل وثاني شي علشان يعطيهاا طبقة شفاافه لامعه قابله للمسح والتنضيف
5- وعلي نفس الطريقة بشكل عشوائي ومتلاسق تسوين باجي الغرفة
وبس وهذي صور الغرفة الي انا سويتها
وخذت مني تقريبا 6 ايام
وانشالله تعجبكم
وشكرااااااااا