بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
سلام أحلى امهات كويتيات
ولدي الجعده مدمن متحركه وتلفزيون
لو أخليه أسبوع مايتحرك من جدام التلفزيون مايدرس ولا يحل واجباته الأ بالبجي
جربت مكافآت
أعطيه وأشجعه ماكو فايده
قلت ماكو الا حبايبي الكويتيات يشوفونلي حل
حبايبي يغيت استفسر عن أحسن معهد أو نادي لحل الواجبات المدرسيه وهم انه يستمتعون بوقتهم
في ناس قالولي عن نادي الريان ياليت أحد يعطيني فكره عن هذا النادي او اذا في رابط بنفس الموضوع لأني صراحه حست وايد بين المواضيع ماحصلت نفس طلبي ..أو أي نادي ثاني بس بالمناطق الداخليه
وأكون شاكره لكم وأدعيلكم من كل قلبي خواتي 
سلام أحلى امهات كويتيات
ولدي الجعده مدمن متحركه وتلفزيون
جربت مكافآت أعطيه وأشجعه ماكو فايده قلت ماكو الا حبايبي الكويتيات يشوفونلي حل
حبايبي يغيت استفسر عن أحسن معهد أو نادي لحل الواجبات المدرسيه وهم انه يستمتعون بوقتهم
في ناس قالولي عن نادي الريان ياليت أحد يعطيني فكره عن هذا النادي او اذا في رابط بنفس الموضوع لأني صراحه حست وايد بين المواضيع ماحصلت نفس طلبي ..أو أي نادي ثاني بس بالمناطق الداخليه
وأكون شاكره لكم وأدعيلكم من كل قلبي خواتي
عسى الله يحفظة
ان شاءالله البنات مايقصرون معاج
انا ما اعرف اي نادي لحل الواجبات
بس حاولي انج تعطينه الهديه على طول يعني يكتب هالماده له هديه او يكتب هالصفحة له هديه وتعطينه الله يعافي بو 100 روحي كودي له من هناك وكافئيه وان شالله ينفع هالحل
عسى الله يحفظة
ان شاءالله البنات مايقصرون معاج
[/quot
مشكوره بنت الكويت مرورج الفله عطرتي موضوعي بمرورج
بس حاولي انج تعطينه الهديه على طول يعني يكتب هالماده له هديه او يكتب هالصفحة له هديه وتعطينه الله يعافي بو 100 روحي كودي له من هناك وكافئيه وان شالله ينفع هالحل
جربت كل شي أم عبودي مومخلية بو أميه ولا بودنانير ولاهدايا
واللحين كل يوم يخلص واجباته أعطيه دينار مكافئه التجربه نوعا ما نجحت بس خايفه تاثر من جانب ثاني وهم أختي لاحظت يحل أي كلام سريع عشان ياخذ الدينار ويفتح التلفزيون 
الولد متعلق بالتلفزيون بصوره قمت أخاف منها لدرجة فكرت اروح حق اخصائي يعطيني يمكن حلول
أم عبودي مشكوره حياتي ويارب يخليلج عبودي
كرستاله النادي هذا تابع حق بيادر السلام على مااعتقد بس مادري اذا الى الان موجودين ولا لا
ماقصرتي حبي وشاكره مرورج
أم عبودي مشكوره حياتي ويارب يخليلج عبودي
العفو حبيبتي ماسويت شي
بس حطي بالج لايتعود عالفلوس بعدين كل سشي بيسويه يبي له مقابل تى الهدايا ملوت بو 100 ما تأثر كثر الفلوس
الله يخليه لج يارب ويهديه ويصلحه
العفو حبيبتي ماسويت شي
بس حطي بالج لايتعود عالفلوس بعدين كل سشي بيسويه يبي له مقابل تى الهدايا ملوت بو 100 ما تأثر كثر الفلوس
الله يخليه لج يارب ويهديه ويصلحه
صاجه ام عبود الواحد يخاف يدش بمتاهات راح أوقف عن هالطريقه
مشكوره ياعمري مره ثانيه
وعلى فكره ترى يقولون نادي الريان تابع حق حضانة دار الفرح
الحبوبه اللي عندها رقمهم ياريت تكتبه ولها أكبر دعاء من القلب
اولاا خلي ابووه يخانقه وخلي لج شخصية جدامه
شيلي وايرات التلفزيون والريسيفر ماراح يعرف يركبهم
وخليه مرة مرتين مايكتب واجباته ويخانقوونه بالمدرسة ويسقط بيتعلم لاتشيلين الهم بداله خليهم يتعلمووون
هم يدرسون بروحهم ويكتبون واجباتهم ماراح يحس الا اذا سقط ويشوف غيره ناجح
ولاتعلمينه على الفلوس والهدايا اصلاا عيالنا ماعاد يفيد فيهم لانه كل شي عندهم
احرميه من الطلعة معاكم او اذا تشترون وجبات لاتشترين له
لاتكلمينه حاربيه
ولدي بسنه ثالثه ابتدائي وماشالله أشيل الرسيفر يرد يركبه يعرف عاد شلته كلش اليوم وخشيته جان يدش غرفتي يطالع ,,,أحباط وين ماطقها عويه بهلولد
ماكو غير نادي أو معهد ينجبر معاهم
شاكره مرورج الطيب بمبه المفترسه
هو لحل الواجبات فقط ……… و اذا خلص واجباته يخلونه يلعب
جربته شهر و ماكملت انتى شوفي المكان و على راحتك مكانهم في مدرسة القطوف
لكن مو هذي النقطة …….. اللي لفت نظري اسلوبك معاه حاولي تغيرينه …..خلي شخصيتك قويه شوي
اذا استمريتي على اسلوب الفلوس …….. راح تتعبين و يصير الولد ماعنده مبادىء كل شي بمقابل
حتى لو دخلتيه نادي
انتى الأم
و انتى اللي تحطين قوانين البيت
و علميه انه يسمع كلامك او تزعلين عليه
خللك شوي شديدة علشان مصلحته
ألحين الولد صغير و مثل العجينة بإيدك
اذا علمتيه ان كلامه اهو اللي يمشي …… راح تتعبين معاه لما يكبر و مايعمللك حساب