ولدي والتكسير .

السلام عليكم يا امهات ياحلوين..

انا عندي مشكله اول مره تمر علي وما اعرف لها حل, وابي منكم تساعدوني بحلها باي طريقه ان شاء لو تحطولي دعاء ان الله يهدي هالولد..

انا عندي 3صبيان الله يحفظهم, الكبير 7 سنوات, الوسطاني 5 سنوات والصغير 3 سنوات, مشكلتي مع الصغير. ولدي الصغير كان متعلق حيل بخدامته لان اهي الي مدلعته وايد وتحبه حيل, فكان متعلق فيها بشكل غير طبيعي , حاولت اني افجه منها ليما قدرت اوخره عنها شوي, ليما الحين الوضع طبيعي, المشكلة بدت عنده لما سافرت خدامته, طبعا اهو ما يسال عنها كلش ولا يطريها بالمره ولكن الي حصل ان ولدي قام وايد يعصب ويدق ويكسر اي شي يكون بايده او جدامه, حاولت اصلح هالشي بس مو قادره, جم مره طقيته وجم مره اساحله وكله اطلعه وياي بس ماكو فايده معاه كلش, اوصلت فيه المواصيل انه قام يفتح الدريشه ويقط الاغراض بالشارع, طبعا هالدريشه اهي موجوده بدار اللعب, قفلتها وشلت الكراسي وكل شي يقدر يصعد عليه عشان لا يبطلها..

الحين ابي الحل : شنو اسوي معاه, المصيبه ان الصبح يقعد مبجر ويبي يروح المدرسه وطبعا اهو توه صغير وانا ما سجلته بحضانه, ففترة الصبح يقضيها بروحه يلعب مع الخدامه الثانيهليما يوصلون اخوانه وبعدين عاد تتبتدي الشطانه والتكسر والاعصاب والطق, قلت بسجله بحضانه احسن لي بس المشكله ما عندي احد
يوديه وياخذه وانا دوامي بعيد عليه..

شسوي معاه, ساعدوني, والي بتعطيني الحل بدعيلها من كل قلبي, طبعا بدعي حق الكل من كل قلبي..

ناطره ردودكم, ويزاكم الله خير…

ال