بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم ورحمة الله .
كيف حالكم خواتي ؟
اول مره اكتب موضوع بهالقسم واتمنى القا الرد منكم
ولدي متعلق بالخدامه بدرجه جنونيه 
عمره 10 شهور
المشكله مقدر على ولدي لان دوامي قرب واول مولود ماعرف له
والمشكله الكبرى .ان ولدي لما ينام يمي ماحسسسسسسسسسسسس
نومي ثقيل وزوجي نفسي نومه ثقيل يعني كذا مره احط ولدي
يمي وما احس فيه يفحط وانا نااااايمه وعمك اصمخ
ابي انجن يابنات
انا بودي خدامتي لانها فتانه درجه اولى .gif "Eh S(14)")
تنقل سوالفي انا وزوجي .
لبيت اهلي واهله كل شي
وقال زوجي اذا وديناها انتي راح تنامين وتوكلين وتقعدين عند ولدج لين تجي اللي بنطلبها
الحين شالحل شالدبره وانا نومي ثقيل وحاولت فيه
وودي ولدي يتعلق فيني ويصير نومي خفيف 
حتى خواتي يقولون لي انتي مافيج امومه وحنيه
تعبانه بجد
السلام عليكم ورحمة الله .
كيف حالكم خواتي ؟
اول مره اكتب موضوع بهالقسم واتمنى القا الرد منكم
ولدي متعلق بالخدامه بدرجه جنونيه
عمره 10 شهور
المشكله مقدر على ولدي لان دوامي قرب واول مولود ماعرف له
والمشكله الكبرى .ان ولدي لما ينام يمي ماحسسسسسسسسسسسس
نومي ثقيل وزوجي نفسي نومه ثقيل يعني كذا مره احط ولدي
يمي وما احس فيه يفحط وانا نااااايمه وعمك اصمخ
ابي انجن يابنات
انا بودي خدامتي لانها فتانه درجه اولى
تنقل سوالفي انا وزوجي .
لبيت اهلي واهله كل شي
وقال زوجي اذا وديناها انتي راح تنامين وتوكلين وتقعدين عند ولدج لين تجي اللي بنطلبها
الحين شالحل شالدبره وانا نومي ثقيل وحاولت فيه
وودي ولدي يتعلق فيني ويصير نومي خفيف
حتى خواتي يقولون لي انتي مافيج امومه وحنيه
تعبانه بجد
بس مو ومعقوله لهدرجة النوم مسكين يكون يمج ما تسمعينه حرااام ؟؟؟ صج شلون يعني الامومه اذا ما تحسين بوليدج ؟؟؟ انا ولدي اذا ما يقعد بليل انا اقوم واطل عليه لازم اطمن كل ربع ساعه اقعد بروحي
زين شلون تقومين للدوام ؟؟؟ اذا على المنبه سوي المنبه انه يقعدج كل ساعة او كل ساعتين تطمنين فيها عليه
ونصيحة دام نومج ثقيل لا تنومينه يمج حرام ممكن تنامين عليه عاد هنيه تصير مصيبه ديري بالج ؟؟؟
والله ييسرلج امرج … اتمنالك التوفيق
مو معقوووله ولدج يفحط وانتي ماتسمعين … ؟؟؟ حرام …
خووو الخدامه مو من اهلكم مردها بتروح اليوم ولا باجر ولا الي عقبه رايحه رايحه
فما لج الا نفسج لازم تأقلمين نفسج على نومته ..واما الاكل والرعايه سهالات ….
والحين يوم صرتي بتداومين بتردين الخدامة؟؟
وينج من اول؟؟
اهي شلونها مع الولد اذا زينة الف عين لاجل عين تكرم .
حاولي كل يوم تقومين كل ساعه تجيكين عليه وولدج اسمله عليه كبر يعني عادي مو نفس واهو صغير يعني يطول بالنوم صح والا انا غلطانه
خليه عندج حاولي تخلين ولدج عندج اكبر وقت ممكن علشان يصير بينكم حب والفه
وخدامتج سفريها اذا متضايقه منها وانتي جابلي بيتج على ما توصل اليديدة ومنها فرصه علشان ترجعين علاقة الامومه مع ولدج
الاحساس نعمه والله
ليش ربي قال انه الجنه تحت اقدام الامهات لانها تسهر علي راحته ولازم يبيله صبر وتعب ياحبوبه
بس بعد ماولدت ويبت ولدي وبنتي الحين بس تحركو على طول فزيت وطليت عليهم
وبعدين ولدج صغير حطيله سرير اليهال وخليه عندج بالدار وصدقيني اكيد بتحسين فيه اذا بجى وخلي زوجج يساعدج بعد يعني اذا انتي ماحسيتي فيه اهوا اكيد بيسمعه يبجي ويقعدج … ترى السالفه بسيطه لا تكبرينها وشوي شوي راح تتعودين لانج توج ام يديده
واسفه على الاطاله
شدعوه ينام عند الخدامه !!! شلون قلبج يطاوعج !!
واشوف كلام خواتج عدل
شلون تقومين حق المنبه لدوام ؟ ولصلاة الفير ؟
شوفي
وقتي تلفونج كل ساعه عشان تشوفين ولدج لين تتعودين
بس اذا تقومين على صوت المنبه صوت بجي الياهل اقوى
جربي وان شاءالله ربي بقويج بس اهم شي تكون عندج الاراده
وريلج يقولج انتي الي بتوكلين وتعغسلين !! ما قال شي غلط هذي مسؤوليتج وحتى لو عندج خدامه انتي لازم تسويين جذي
يعني انتي مشكلتج مو انه متعلق بالخدامه مشكلتج ان الخدامه بتروح صح ؟؟
خليها لين تطلبين وحده لا صار اسبوع على ييتها سفري الي عندج واذا يت اليديه بينسى القديمه ( كلش مو مقتنعه بالحل لني اشوفه غلط )
بس حياتج وكيفج قلت يمكن افيدج
تقبلي مروري
الغلط مننننننج اولا واخيرا
شلون تعالجينه؟
انا اقولج : توقفين وقفة جادة مع نفسج وتتحملين مسؤولية ولدج كاملة – اللهم لما تكونين بالدوام هذا شي ثاني ، الياهل توه بيبي ليششششششششششششش ينام عند الخدامة ؟
انا ولدي العود طلعته من الغرفه لما صار عمره سنة و8 شهور بسبب اني ولدت اخوه ، واخوه طلعته لما صار عمره سنه ودموعي اربع اربع لاني ولدت اخته وهااااا لو والدة طبيعي وفيني شده جان خليته بس ولادتي قيصرية.
صدقيني خلي ولدج دووووم دايم عندج وشوفي شلون بتفزين من النوم وبتصير نومتج خفيفة ، وعمرج لا تحسين ان الطفل حمل ثقيل ——- بالعكس ترى نعمه من الله .
غريبه والله انا اسمع انه الام نومها خفيف كلش … بس مادري ليش انتي غير
على الولد انا اقول جابليه بروحج وانسي سالفة الخدامه الحين لين يصير عندج حس امومه بعدين ييبي خدامه .. عالاقل تكونين حسيتي بولدج واهو حس فيج
واااااي حدي انقهرت
عفيه قلب .. انزين عادي عندج ولدج يحب الخدامه ومافي احساس ناحيتج ؟؟؟
صج لي قالو الام اهي اللي تتعب وتربي مو اللي تولد
واللي ردت علي رد طيب عسى ربي يخليلها اولادها
شسوي يعني حاولت ماقدرت
اهيا تحب ولدها وتبي تقعد له بس شتسوي نومها ثقيل !!!
حبيبتي شوفي انتي ام وفيج امومه وحنية ومالج شغل بكلام الناس اول شي تسوينه روحي طلبي خدامه يديده عشان الخدامه اللي عندج
نقالة حجي !! وثاني شي ديري بالج خلي الولد ينام عندج بالدار .. وحطي المنبه كل ساعتين او 3 ساعات وعطيه رضعته واهوا اذا
شبع ماراح يقوم .. وشوي شوي راح تتعودين .. والظهر انتي وكليه ولعبيه وبيني وبينج انا دوامي لي 3 وبنتي عند الخدامه بس شنو ؟؟
النومه عندي بالليل لو شنوووووووو مااخليها عند الخدامه حتى لو اروح الدوام مواصله !! فاخذي ولدج عندج اهم شي النومه
وخدامتج لا تودينها يبه دام انتي وريلج نومكم ثقيل وحالتكم حاله وبسيطه لا تودينها معاكم بيت اهلج خليها بالبيت
انصاريه الله يعافيج