تخطى إلى المحتوى
الرئيسية » ولدي و الحضانة و انفلونزا الخنازيير

ولدي و الحضانة و انفلونزا الخنازيير

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

شلوونكم بنات .. بغيت اخذ رايكم بشغلة …
عندي ولدي الله يحفظه عمره سنتييين .. كنت ناوية اسجله بحضانة من شهر 9 .. بس طلعلنا هالمرض استغفر الله و عفسنا … الحيين ولدي صج محتاج الحضانة … وايد يمل بالبيت و ما عنده احد يقعد ويااه و انا ما عندي الا خدامة وحدة و مو ملحقة وياي .. من هدووم و طباخ و تنظيف الشقة و عندي ولد ثاني عمره 3 شهوور … فشسوي ؟ تنصحوني اسجله بحضانة عشان ارتااح شوي .. لانه الله يحفظه وايد وايد وايد وايد و هم وايد حركي لدرجة مرة انا و ريلي و خدامتي .. كل شوي احد يجابله احنا تعبنا و انهد حيلنا و اهوا لا سميلله عليييه .. و هم ابييه يتعرف على يهال و يختلط وياهم بس بنفس الوقت خايفة علييه من المرض .. فشتنصحووني اسوي .. مع العلم اني اتصلت على الحضانة اليووم و قالولي عن اجراءاتهم بخصوص المرض .. و سلامتكم و تعيشوون

الوسوم:

13 أفكار بشأن “ولدي و الحضانة و انفلونزا الخنازيير”

  1. khouloud
    الرد
    تووكلي على الله دام تشووفينه يحتاج للحضانة

    ولا تحطين المرض ببالج ترا اذا حطيته يصير والعياذ بالله

    أنا أخوي تخيلي بعد 6 بنات يه اصغر واحد امي قالت له داوم والي كاتبة الله يصير

    توكلي علىالله

    والله يحمينا واياكم من كل مكروه يا رب

  2. مريم
    الرد
    مشكوورة حبيبتي إيمي .. انا والله ودي اسجله لانها وايد راح تفييده .. بس المرض كان خوفي … و الله يحفظ اخووج و يحفظكم كلكم للوالدة و يحفظها لكم و شاكرتلج مرورج

  3. khouloud
    الرد
    وانا بعد نفسج بالضبط ولدي عمره سنتين وماذيني وبنتي عمرها شهر والحين باخذ امومه وجابلهم لاني خايفه من هالمرض الله يبعده عنا انشالله

  7. mira
    الرد
    انا من رأي ماتخلينه يداوم
    والخدامه تقابلهم وتخلي الغسيل والشغل لما انتي تردين من دوامج وطوول الصبح تقابلهم …
    ولا إنج تخلينه يروح الحضانه ديري بالج

  8. chahinez
    الرد
    انا عن نفسي اذا افتحت الحضانات بودي ولدي وانشالله ماكو الا العافيه

    بس لازم تخلين معاه المعقم للاحتياط

  9. kamiliya
    الرد
    الي الله كاتبه بيصير لو بتخشينه بالبيت ولا ماخشيتيه شوفي اراده ربج بس الاحتياط واجب منج

    انا دخلت بنتي واستودعتها الله والله الحاافظ

  11. chichaki
    الرد
    انا بعد محتاره

    اسم الله على عيالي 3 بالبيت

    لا روضه

    لا حضانه

    واحاتيهم بالبيت مع الخدامه وين تقدر على ثلاثه

    ودي اسجل ولدي وبنتي بالحضانه بس ريلي مو راضي

    يقولي اهما من غير شي يمرضون بالحضانه بعد هالمره مع هالمرض الله يكافينا شره

    ريلي خذا اجازه عشان اليهال وانا اداوم بس مارد اجزاته بتخلصصصصصصصص

    شسويييييييييييييييييييييي

    قلبي مايطاوعني اخليهم بالبيت مع الخدامه

  12. hamida
    الرد
    الى الله كاتبه بيصير والحذر ماااااايمنع القدر مو يمكن يلقطونه من اى مكان مايخطر عالبال لو من الجمعيه لو من الشارع …….. وترا الخدم يملون ترا موباجر يطقون عيالكم وتحلطمون عليهم وديهم الحضانه احسن لهم وبرد لج قلب انا عيالى سيييييده الحضانه ما امن عليهم مع الخدم

  13. brinhu
    الرد
    ياجماعة ميخالف صج الله الحافظ بس الله مايرضي ترمون انفسكم واولادكم بالتهلكه شدعوة هذولا عيالنا كلشي بالطقاق اهما اهم شي بنتحاسب عليهم مو اقطهم بالتهلكة واقول الله الحافظ وسنتين اصلا بهالعمر صغير محتاج امه وابوه اكثر انا كنت ناويه اسجله ومستانسه لاني ماحب اخلي عند خدم بس هالمرض استغفر الله فلاحول ولاقوة الا بالله اقري علي الدعاء قبل لاتطلعين استودعك الله الذي لاتضيع ودائعه وانشالله يكون بحفظ الله ووديعته جذي الناس تقول الله الحافظ مو نقطهم . يعني ماودنا ودنا بس شنسوي . وبالنسبه لعمرهم مافي مناعه احنا نتحمل المرض بس خطر عليهم والعلاج ماله يقولون والعياذ بالله يسبب شلل او توحد والله اعلم هذا اللي عندي وانتوا كيفكم بس هذولا عيالكم ديرو بالكم عليهم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.