ويدي تهجس كنها الشمع لا ذاب

اعيش وقتي كنني مالي اصحاب

……….رغم ان واحد مافيهم نساني

لكن واحد منهم كثر ما غاب

……….غابت حياتي يوم انه جفاني

ما عاتبه ..و الظروف ما لها عتاب

……….لكني جرحي الليله دعاني

و يدي تهجس كنها الشمع لا ذاب

………..نار المشاعر دمعها ما طفاني!

مالفيت روحك كاني لفيتك سراب

…………. و انا لحبك شراع و مواني

تسقيني عبرة من عيني ولا عاب

…………قلبي من المر دمع ٍساقني

ادري بخبره لكن الجرح ما طاب

…………يبغى حنانه و قربه شفاني