بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
نبي همتكم يارئيسات الأقسام الكورس الثاني يبيله شغل وخطط وأفكار مدروسه ،،
والمديرات يبون انجازات يديده وشغل مبتكر ،،
آنا قاعده أمخمخ
بس للأسف قسمي كله وافدات مايندون ولايبون ينجزون شي،، والموجه يديد حاط حرته فيني وبسجلاتي يحاول يدور شي علي ،، لأني الكويتيه الوحيده بالقسم ،،بصراحه تعبت أطلع أفكار للمدرسات وأنفذها وهم ياخذونها على الجاهز،، الكورس الأول سويت درس عن مهارات الحياه للغه العربية مع ورشة عمل رووعه الكل تحجى عنها حتى الموجه الأول والمراقب قالوا هذا مو شغل معلمه وافده،،
وألحين أبي همتكم معاي بنبذل جهدنا عشان نحصل الإمتياز ، لأن رئيسة القسم أول سنه تعيينها ندب وما يثبتونها إلا بعد ماتاخذأول سنه امتياز،،
يالله خلونا نتناقش
،،،
نبي همتكم يارئيسات الأقسام الكورس الثاني يبيله شغل وخطط وأفكار مدروسه ،،
والمديرات يبون انجازات يديده وشغل مبتكر ،،
آنا قاعده أمخمخ
وألحين أبي همتكم معاي بنبذل جهدنا عشان نحصل الإمتياز ، لأن رئيسة القسم أول سنه تعيينها ندب وما يثبتونها إلا بعد ماتاخذأول سنه امتياز،،
يالله خلونا نتناقش
،،،
وان شاء الله انت قدها وقدووود
واذا تعرفين لج احد بمدارس من محافظات ثانية ساليهم واخذي منهم شوية افكار وطوري علها شوية لمسات منج وكان الله غفورا رحيما
اذا على رئيسات الاقسام موجودات والحمدلله بس المشكله انه فيه شعور كره عميييق لهن في هالقسم بالذات وابصراحه انصدم من هالكلام اللي يوجه لهن من قبل المعلمات كأأن رئيسات الاقسم شيطان رجييم والمعلمات ملائكه الله على الارض فمن خلال هالهجوم الدائم علينا تلاقين اغلبرئيسات الاقسام مايشاركون او يقروون وبس … ياريت بس كل وحده اتحكم ضميرها لما تكتب شي عن رئيسه قسم يمكن الخلل فيها اهي مو برئيسه قسمها اللي من واجبات عملها الاداره الجيده للعمل وتيسيييره وتسهييله وتوزيعهفي القسم..
تقبلي اجمل تحيه
واي شي حاضرررين يالطيبه
يعني تسوي ورش عمل وغيره…
بالنسبة حق السجلات.. انا للحين ماشافتهم الموجهة، بس بسال… شنو تحطون فيها بالضبط لاني حدي محتاره
اما بالنسبة حق الوافدات.. عطيهم تكليف وهم يقومون بالشغل، يعني لا تعطينهم ويه وتخلينهم قاعدين فاضين، بالنسبة حق قسمي عسى الله يثبتهم عندي وافده ووحده تعين يديد وحدة قديمه… يعني تنمية مهنية وتنمية معلم ذو خبره وخذيلج…
فيهم البركه،،
وان شاء الله انت قدها وقدووود
واذا تعرفين لج احد بمدارس من محافظات ثانية ساليهم واخذي منهم شوية افكار وطوري علها شوية لمسات منج وكان الله غفورا رحيما
على إيدج جان زين أعرف أحد،،،ماتعرفين رئيسة قسم تخصص عربي ابتدائي أتبادل معاها الأفكار؟؟؟
اذا على رئيسات الاقسام موجودات والحمدلله بس المشكله انه فيه شعور كره عميييق لهن في هالقسم بالذات وابصراحه انصدم من هالكلام اللي يوجه لهن من قبل المعلمات كأأن رئيسات الاقسم شيطان رجييم والمعلمات ملائكه الله على الارض فمن خلال هالهجوم الدائم علينا تلاقين اغلبرئيسات الاقسام مايشاركون او يقروون وبس … ياريت بس كل وحده اتحكم ضميرها لما تكتب شي عن رئيسه قسم يمكن الخلل فيها اهي مو برئيسه قسمها اللي من واجبات عملها الاداره الجيده للعمل وتيسيييره وتسهييله وتوزيعهفي القسم..
تقبلي اجمل تحيه
واي شي حاضرررين يالطيبه
يعطيج العافيه حبيبتي،، وتعليقج مقبول
احنا رئيسات الأقسام بنكسر هالقاعده إللي إهي : كره المعلمات لنا،،
لأن الإنسان الناجح دائما محارب من الكل وهم أعداء النجاح ،
والمعلمات إللي يكرهون رئيسة قسمهم عندهم أسبابهم منها إنهم يرفضون التطور ومايحبون العمل أو إن رئيسة قسمهم شخصية منفره من العمل وإللي يشتغل معاها يتعب،،
وهذا آنا عشته مع رئيسة قسمي السابقه الله يسامحها وحده محبطه جدا جدا بس كان عندي طموح إني أترقى وبفضل الله واصراري قدرت أوصل للي أبيه،،
يارئيسات الأقسام رفعوا راسكم إنتم ماترقيتوا إلا إنكم قدها،،،
والمعلمات إللي يكرهونكم لما يوصلون مكانكم ويشوفون حجم المسئوليه عليهم راح يقولون الله يعين رئيسة قسمنا،،
الله يعينج ، إنت شنو تخصصج ؟؟ أكيد فنيه ؟؟ لأن عددهم محدود في المدارس،،
إنت حني على موجهج إهو بيده الندب بين مدارسه لسد النقص،،
وعلى طاري الانجازات صعبه إذا القسم عدده قليل اشلون يقدر ينجز؟؟
خليج دائما تتحلطمين عند المديره عشان تعفيج من الشغل ،،
هذي فكرة رئيسة قسم عندنا كله تتحلطم من مدرساتها وتقول مايعرفون شي لما اعفتها المديره من الدروس
إختي آنا ماقلت مايشتغلون ، آنا أقول مايندون يعني مايدفعون فلوس للشغل ،، (هذى على مستوى قسمي آنا ما أعمم) ،، ومايحبون يسوون دروس وغيره عذرهم إنها مومن صميم عملهم ،، وهم يايين للتدريس وبس،،
وعلى قولتج الزين زين والشين شين،،
يعني تسوي ورش عمل وغيره…
بالنسبة حق السجلات.. انا للحين ماشافتهم الموجهة، بس بسال… شنو تحطون فيها بالضبط لاني حدي محتاره
اما بالنسبة حق الوافدات.. عطيهم تكليف وهم يقومون بالشغل، يعني لا تعطينهم ويه وتخلينهم قاعدين فاضين، بالنسبة حق قسمي عسى الله يثبتهم عندي وافده ووحده تعين يديد وحدة قديمه… يعني تنمية مهنية وتنمية معلم ذو خبره وخذيلج…
شنو تخصصها المعلمه المتقاعده؟؟
وإنت شنو تخصصج ، عشان أفيدج بالنسبه للسجلات لأن كل توجيه يختلف بطلباته،،