و اخيراً تحورت فجأه . يومياتي المتجدده

السلام عليكم

مفاجأه لوووووووووووووووووول

بنات انا بنص شهر ثلاثه اتفقت مع تونه اني اشوف الدكتور سلطان التمياط
و الحبيبه ما قصرت فديتها كانت معاي خطوه خطوه خصوصا و ان الدكتور تاجلت سفرته اسبوعين
بس ما اهملتني و متحمله اسألتي لين شفت الدكتور
عطاني نسخه من كتابه و شرح العمليه
و عطتني تونه كل الفحوصات المطلوبه على ابو ان بزيارة الدكتور الثانيه اسويها
و على قدم و ساق سويت كل شي
و حزة الحزه يات خدامتي منهاره تبجي ان زوجها بيموت و بتسافر
وهقتني
شلون تسافر و انا موظفه و ولدي صغير و بسوي عمليه ؟

تضايقت و غلقت من قلب ناطره موعد سفرها
تونه طرشت لي مسج ها بتسوينها عند د.سلطان
قلت لها لا خدامتي وهقتني
الله ما كتب

خواتي لاحظوا نفسيتي شلون صارت
بعد قلبي كل وحده خذت مني شي و قدرت اني اسويها خصوصا ان زوج خدامتي صحصح
سويتها عند الدكتور الراقي باسل السميط بتاريخ 1-5
و انا حاليا بمستشفى السلام باجر اطلع ان شالله

العمليه كلفتني اكثر من 3500
باجر اتأكد و اعطيكم المبلغ النهائي

ولدي عند امي زعلان حبيبي
فاقدني و فاقد ابوه
كل ليله اييبونه لي اشمه و ابوسه

الدكتور قال ما يصير تشيلينه شهرين لا يفتق الجرح
بس عادي تقعدينه بحضنج

بنات العمليه مو سهله و انا تعبانه موت

ان شالله اشوف الميزان و يخف تعبي

اي سؤال ؟ انا حاضره
و كل يوم بكتب يومياتي و اي شي يدييد يصير
علشان تستفيدون