يالسنعه نبي طريقتج وخلطتج حق اللي الكل يسألج عنها

يعطيك العافية حبيبتي على هالموضوع . والله انا اخذت الطريقة حق الورق عنب من عضوة جزاها الله خير بالمنتدى اسمها الفنسو . مشيت على طريقتها بحذافيرها ومن اول مرة ضبط معاي بس صاير حااااااااااامض لكن بشكل عاد الحمدلله كان حلو .هذي هي الطريقة:

المقادير حق برطمان ورق عنب وافضل كاليفورنيا وجيله عيش صن وايت والجيله مالتي العرناص(الاناناس) ادري قديمه شسوي والجيله لاتنقيع ولاشي 1- بصله كبيره مقصص صغار- طماطه وسط مقصص صغيره
4 فص ثوم مهروس-زيت زيتون مثل الحجم الموجود بطل حجمه اوكي
قلاص عصير ليمون تقريبا 6 الى 7 ليمونات
نص شدة نعناع مقصص صغير-وثلاث ارباع الى شده كامله بقدونس
نص معجون طمام -وبهارتنا لاتخربطون وايد اهم شي ملح وفلفل اسود وهيل مطحون ودارسين مطحون وكاري وكمون فقط
الطريقه:نحط جدر وفيه نص كمية الزيت زيتون لمه يحما نحط البصل والثوم ونقلب شوي بعدها بخمس دقايق نحط الطماط
فوق الطماط البهارات
نخلط عدل لمه البهارات تتجانس عقب نحط نص علبه معجون طماط
نحط فوقهم العيش وفوق العيش على طول قلاص عصير الليمون
طبعا نحط البقدونس والنعناع ونقلبهم يميع
اهني بعد ماخلينا العيش يطبخ شوي ويصك بس ترا العيش اقل من نص استواء تقريبا ربع استواء
الجدر حطينا فيه زيت زيتون شوي وصفينا حلقات طماط عشان جربت احط بطاط بروحها يلصق ويحترق فحطيت طماط والنتيجه 100%

وحطينا البطاط فوقه وشويه ملح على البطاط لايطلع ماصخ وكملنا باجي الزيت اللي باقيلنا
اهم شي نخليه يطبخ على نار شبه عاليه (وسط) لمده نص ساعه او لمه تحسون الماي صار شوي
عقبها تقصرون على النار وتخلونه يستوي على راحته بعد ماتقصرون بياخذ بعدنص ساعه
يعني الطباخ كله بساعه تقريباااا

انا عم نفسي لفيت ورق العنب وحطيته بالفريزر ولما جيت اسويه فعلا خذ مني ساعة وشوي . بس طلع روعة ما شاء الله يعني نتيجة حلوة كاول تجربة لي.