بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم ورحمة الله وبركاته
انا بقيت اسالكم عن الطريقة اللي خذتوا فيها المهر
انا سمعت ان في ناس ياخذون المهر كامل في يوم عقد القران او في ناس ان اهل المعرس ايبونه الي بيت العروس وسمعت في ناس في عقد القران يكون مبلغ بسيط بس عقبها المعرس يتكفل بكل الطلبات يعني اي شي تبي العروس هو اللي يدفع بدل ما يكون المهر كاش ؟؟
ياريت كل وحده تقول رايها في هالموضوع و اي طريقه تكون احسن ؟
السلام عليكم ورحمة الله وبركاته
انا بقيت اسالكم عن الطريقة اللي خذتوا فيها المهر
انا سمعت ان في ناس ياخذون المهر كامل في يوم عقد القران او في ناس ان اهل المعرس ايبونه الي بيت العروس وسمعت في ناس في عقد القران يكون مبلغ بسيط بس عقبها المعرس يتكفل بكل الطلبات يعني اي شي تبي العروس هو اللي يدفع بدل ما يكون المهر كاش ؟؟
ياريت كل وحده تقول رايها في هالموضوع و اي طريقه تكون احسن ؟
أنا عطوني المهر بصندوق ناعم من محل بخور فيه تولتين دهن عود و بخور و عطرين بخاخ
وبالنص كانوا حاطين المهر
ومكتوب دعاء على قطعه مخمل
وهو ان المهر يتقدم بيوم الملجة بصندوق حلو مع هدية وبس
ذكرتيني بالذي مضى
انا كان عقب عقد القران
يا اهو مع امه و يابو المهر
احس هذي الطريقه احسن من انهم يعطونهم بيومها
و مشكوره على هالموضوع
وكان صندوق فيه عطورات وجم نوع دهن عود والمهر وورد مجفف تحته مع خاتم الماس ومادري شنو بعد نسيت
انا دزولي مهري ابصندوق امبيت اصغير ( لأن ريلي يحب السوالف المغبره ) .. فيه دهن عود امبخر و بخور و المهر ملفوف ابخرجه خضره ( مادري ليش ) .. و تحته ورد مجفف مصفوف ابطريقه حلوه .. و ادخلت علينا حماتي شايلته على راسها هههههههه جنه دزه قبل ( اي شي ) بس نسو البقشه
انا مهري يابوه يوم يو الرياييل قبل الملجه ويو وياهم الحريم وانا ماقعدت وياهم كنت بالدوام (اداوم الخميس)
وكانو مغلفينه من بيت الهدايا
وبالنص كانوا حاطين الشبكة وعلى جنب المهر ومكتوب اسمى واسمه وتاريخ الملجة على قطعه مخمل
واحلى شي بالموضوع كله ان زوجي دش شايل الصندوق ومد ايده بيعطيني الصندوق …. ياحلووووووووووه يبتسم متشقق وفشله ابوي واقف وراي هههههههههههههههه