يحزن قلبي يكون موضوعي الاول

السلام عليكم ورحمة الله وبركاته

اخواتي الغاليات كويتيات

اعتذر عن عدم اجادتي فن تنسيق الموضيع لجهلي التام في هذا الموضوع

من سنوات وانا اتابع هذا المنتدى واخذ الدروس المفيده والنصائح الجيده

وكنت ادعو لكن بالخير

اليوم احسست انه يجب ان اطلب العون من الله ثم من اخواتي
وانا على يقين تام انكن لن تخذلنني

فانا والله اعيش ايام صعبه جدا

انا متزوجه من رجل متزوج وعمره 50 وهو موظف مرموق ويهتم بمضهره وصحته لابعد الحدود

وانا كنت قبل الزواج اعيش حياه قاسيه فلدي طفله يتيمه وعائلتي متوسطه الحال
لكن لم اكن اطلب من اح العون وكانت همومي حبيست قلبي
كان الحزن يخيم علي وكنت كل مانظرت لطفلتي تمنيت لو اتزوج اي رجل يمنحني بيت واستقرار لكي تكون طفلتي سعيده ولا تتعقد ولا تصاب بالاضطراب النفسي لان بيت اهلي كان
لايوفر لها كل ذلك

وبعد الزواج الرجل الحمد لله كان ممتاز وجيد وحسن الاخلاق
وانا كنت خدومه مطيعه له في كل شي وكنت احترمه واحترم زوجته واخدمها كانها امي

ومرت الايام ولم يكتب لي الله الحمل فتغير الرجل علي فكلما قلت له شي او قلت انت ماتجلس عني
قال انا اجلس عند عيالي وانتي احمدي ربك حاط لك بيت
وزوجته كل صبح تطلب مني اعسل الحوش وانظف المجالس لان بناتها يذاكرون

وبعدها جبت خدامه عشان تساعدني مع ان راتبي قليل ولا يتحمل لكن قلت عشان ارتاح واحسن بعد تكون عند بنتي اذا يوم ماكانت تبي تروح للمدرسه

صارو ياخذون الخدامه طول النهار مع انهم مايعطونها راتب

وزني زاد بشكل غي طبيعي
وصرت سريعة البكا

وصرت اخاف

وصارت بشرتي مبقعه وكلها كلف وشعري صار خفيف وناشف

حتى زوجي كل مادخل علي قال انتي متى تتعدلين

وكل يوم يقول الرجال مايقعد على وحده ماتجيب له عيال

وانا والله ولا ارد بحرف واحد صار يتغدا عندهم كل يوم ويتعشا ويجي بس بيومي ينام اخر الليل وانا انام بغرفه ثانيه

ليلي كله هم وبكا

افكر اقول يمكن عقاب من الله اني تزوجت على مره
والله اكتب لكم وانا ابكي من همي

ودي ارجع اصير مرحه وحلوه ودي انحف واعيش حياتي واصير بعينه حلوه

ودي احمل واجيب اطفال واستقر

ابيكم تساعدوني وتاقفون معاي

انا ماعندي صديقات ولا اطلع من البيت

ولاعندي شخصيه حتى بالدوام لما اشوف وحده متغيره بشرتها استحي اقول وش حطه
حتى الملابس ماعاد القا مقاسي

هذا كل الي عندي

وتوكلت على ربي