السلام عليكم ورحمة الله وبركاته
عيدكم مبآارك جميعا وينعآد عليكم
مثل ماتعودت لما الدنيا تضيق فيني مالي غير الله ثم انتوآ أفضفض لكم
المفروض إن هالايام الواحد ينبسط مع أهله ويطلع ويستانس لكن وش أقول حسبي الله ونعم الوكيل
تحملت وصبرت وتنازلت عن أبسط حقوقي ومالقيت أي نتيجه
صرت أقنع نفسي بنفسي إنه راح يتغير ويحترمني ومع الأيام راح يقدرني
لكن كل هذا ماصار ولا راح يصير
أمور تافه تحصل لأي أحد ويكمل يومه ولا كأن صار شي لكن أنا بالنسبه لي تدمر حياتي
مثل ماهو باين من العنوان المشكله صارت بسبب علبة بيبسي
زوجي كان مداوم أوفر تايم ورجع من الدوام وكنت مجهزه له
كبسه ربيان وكنت مبسوطه إنها طلعت مضبوطه مثل ماهو يحبها
ومجهزه له حلى لذيذ
وأنتظره بس يطق الباب
لما وصل قلتله يعطيك العافيه قالي ميت من الجوع وين الغداء
حطيت الغداء وجبت علبة البيبسي والكاسات
بنتي زهقتني ماما ابي بيبسي يمكن عشر مرات قالتها جبت لها كاس بلاستك وكنت مستعجله أبيها تسكت بس من الحنه وطاحت من إيدي علبة البيبسي قام يصارخ علي يقولي انتي طرمه ماتشوفين حسيت إن دموعي بتنزل بس مسكت نفسي ضليت جالسه على السفره وأنا ساكته ماتكلمت ولا كلمه
حتى مامديت ايدي وأكلت وإهو يآكل ولا هامه شي وبعدها قالي في علبة ثانيه سفن آب جيبيها قلت له جيبها انت يمكن تطيح من إيدي
قام يصارخ ويقولي انتي قليلة أدب أنا جاي من الدوام تعبان وإنتي تبين تزعلين بعد قومي بالطقاق يطقك ولما أهلك يرجعون من السفر ابيك تنقلعين عندهم ………….وووو
وش رايكم بكل هذآ
أنا غلطت عليه في شي ليش هالمعامله الزفت
على أتفه الأشياء يرخصني ويقولي بطلقك
صايره هالكلمه عنده آسهل من شرب المآي
ماني عارفه شسوي معآه وما أبي أدخل احد في مشاكلي لأن جربت وماستفدت شي
وأهلي مابي أنكد عليهم
الدنيا عيد ومابي أضايقهم
وانتو بعد أدري طولت عليكم بس والله من القهر إللي فيني
السلام عليكم ورحمة الله وبركاته
عيدكم مبآارك جميعا وينعآد عليكم
مثل ماتعودت لما الدنيا تضيق فيني مالي غير الله ثم انتوآ أفضفض لكم
المفروض إن هالايام الواحد ينبسط مع أهله ويطلع ويستانس لكن وش أقول حسبي الله ونعم الوكيل
تحملت وصبرت وتنازلت عن أبسط حقوقي ومالقيت أي نتيجه
صرت أقنع نفسي بنفسي إنه راح يتغير ويحترمني ومع الأيام راح يقدرني
لكن كل هذا ماصار ولا راح يصير
أمور تافه تحصل لأي أحد ويكمل يومه ولا كأن صار شي لكن أنا بالنسبه لي تدمر حياتي
مثل ماهو باين من العنوان المشكله صارت بسبب علبة بيبسي
زوجي كان مداوم أوفر تايم ورجع من الدوام وكنت مجهزه له
كبسه ربيان وكنت مبسوطه إنها طلعت مضبوطه مثل ماهو يحبها
ومجهزه له حلى لذيذ
وأنتظره بس يطق الباب
لما وصل قلتله يعطيك العافيه قالي ميت من الجوع وين الغداء
حطيت الغداء وجبت علبة البيبسي والكاسات
بنتي زهقتني ماما ابي بيبسي يمكن عشر مرات قالتها جبت لها كاس بلاستك وكنت مستعجله أبيها تسكت بس من الحنه وطاحت من إيدي علبة البيبسي قام يصارخ علي يقولي انتي طرمه ماتشوفين حسيت إن دموعي بتنزل بس مسكت نفسي ضليت جالسه على السفره وأنا ساكته ماتكلمت ولا كلمه
حتى مامديت ايدي وأكلت وإهو يآكل ولا هامه شي وبعدها قالي في علبة ثانيه سفن آب جيبيها قلت له جيبها انت يمكن تطيح من إيدي
قام يصارخ ويقولي انتي قليلة أدب أنا جاي من الدوام تعبان وإنتي تبين تزعلين بعد قومي بالطقاق يطقك ولما أهلك يرجعون من السفر ابيك تنقلعين عندهم ………….وووو
وش رايكم بكل هذآ
أنا غلطت عليه في شي ليش هالمعامله الزفت
على أتفه الأشياء يرخصني ويقولي بطلقك
صايره هالكلمه عنده آسهل من شرب المآي
ماني عارفه شسوي معآه وما أبي أدخل احد في مشاكلي لأن جربت وماستفدت شي
وأهلي مابي أنكد عليهم
الدنيا عيد ومابي أضايقهم
وانتو بعد أدري طولت عليكم بس والله من القهر إللي فيني
