◥◥ يومياتي مع هيلث كمبني Health Company◤◤

السلام عليكم

بعد تجربة شيقه وحلوة مع كالوري كنترول ..
¨°•√♥ يومياتي مع .. كالوري كنترول ♥√•°¨

خلاصة التجربة اني بديت ووزني 67.5 وووصلت الى 64.2 في ما يقارب الـ 7 أسابيع تقريبا

نكمل مشوار الرجيم .. مع البوكسات .. لكن هالمرة مع هيلث كمبني

أول يوم 8-9-

التعليمات

الاشتراكات+ الاسعار عشان لاحد يسأل :

طبعا اشتراكي كاجوال .. 4 أسابيع .. ب200 دينار

والفحص بـ 10 دنانير .. الفحص اختياري .. تبين تسوينه عادي ماتبين كيفج

تشوفين فيه نسبه الدهون وكل شي تقريبا ..

بياناتي احم احم

طبعا اخترتهم لان الكل يمدحهم .. ومن باب التغيير .. وفي ناس اعرفهم مدحوا لي دكتور معين فديتهم والله .. وبصراحه احس من البداية براحة معاه ومن كلامه لانه شكله وايد فاهم

دقيت عليهم قبل العيد وحجزت موعد عند الدكتور اللي أبيه

مراجعاتي مع د. ايلي عون ..

رحت موعدي كان يوم الثلاثاء الماضي .. دخلت بوقتي .. وقعد يسألني الاسئلة المعتادة .. لو كان فيني حساسية او مرض .. الخ .. قلت له ان عندي سكر فجأة صار فيني سكر ..
وطبعا قلت له اني مسوية دايت من قبلكم .. وان نزولي بطيئ وومن هالتفاصيل عشان يكون بالصوورة

وبعد الفحص بالجهاز تبين لي الاتي :

• ان جسمي يحرق باليوم 1245 كالوري
• نسبه الدهون عندي 34.3%
• الدهون تعادل 22 كيلو
• الدهون مخليه عمر جسمي مايقارب عمر وحدة بالـ 26 سنه ( في الحقيقة انا عمري 24 )
• هني بنت خالتي كانت معاي قالت له شلون جذي .. جان يقول فيكي تكوني 20 سنة لو بدك
• الوزن المثالي لجسمي هو 55 كيلو << وهو الهدف المطلوووب
  
• نسبة الماي والمعادن وكل شي طبيعي الحمدالله ما عدى الدهون اللي نبي نتخلص منها

وهو قال لي اصلا انتي ماتحتاجين وايد .. بس هم قلت له ابي انزل اسرع

وبعد ماخلصنا الفحص وكل شي خيرني اي اشتراك ابي اخترت الكاجووال .. وسئلني لو اعرف الاشتراكات والفرق بينهم طبعا قلت له اي << حافظة الدرس هههههههههه ( البركه بكويتيات بقلبي ) وقلت له مابي الرويال اللي فيه سي فود ومكسرات … جان يضحك

عطاني دايت بروتيني .. من 1000 كالووري وهو المناسب لجسمي .

الدكتور تعامله حلو ومريح مثل مامدحوه لي وتحسينه فاهم .. وبشوش ياحليله ..
حيل نفسيتي ارتاحت من بعد ماطلعت منه متفااااااائله جدا معاهم ..

طبعا المراجعات اسبوعية راح تكون.. وموعدي القادم يوم الثلاثاء ان شاء الله ..

تابعونا