يوميات طفل الأنابيب و الحقن المجهري

بالنسبه لي انا

اسم الدكتور ناهض حماده بمستشفى المواساة

مشكلتي فيني ضعف وتكيس

البروتوكول القصير لانه قبل سويت الطويل ماطلع لي الا ثلاث بويضات وحجمهم اصغير

طلع لي تسع بويضاااات ثلاث من الدرجه الثانيه والباقي ماتلقحوو

بالنسبه لترجيع رجعو لي بويضتين من الدرجه الثااااانيه باليوم الخامس

االحمدلله بالمره الثانيه ماوجهت مشاااكل

نصايحي للبنات انهم يستخيرون قبل العمليه ولاتعتمدوون على الاعراض لانه في بنات ماصارت لهم اعراض وصارو حوامل يختلف من جسم لجسم

الاعتماد الاول والاخير على الله سبحاااانه والتوكل عليه وحده

وواهم شيء الراحه التامه وتبتعد عن العصبيه والصرراخ

انا كان شعوري بالمرحله سيء سيء جداا كنت كله احاااتي واخطط شنو اجهز للبيبي وقلت على روحي خلاص انا حااامل فنصيحه بنات انتم لاتسوون نفسي عيشو يومكم عادي وفكرو شلون تشغلون نفسكم باللي ينفعكم

وبس ادعولي الله يعوضني

وإن شاء الله يا رب يطمن قلوبكم ويمسح عليها

وينجح علاجاتكم عاجلاً غير آجلا اللهم آمين

ويرزق كل وحدة فينا الحمال وثباته اللهم آمين

طيبة الدوسري ومنيره العدواني

المشكلة و عمرج ؟
في جيس خلقي بالمبايض عمري 23

البروتوكول و خطة العلاج ؟
البرتوكول جربت الطويل والقصير والحمد الله طلع لي بويضات حلوين في منهم تلقحوا وفي منهم تجمدوا

عند السحب جم بويضة ؟ درجتهم ؟
ممتازة والحمد الله

الإرجاع جم جنين ؟
اثنين

السلبيات و الإيجابيات إللي واجهتيها ؟

السلبيات: يطولوووووووون بالمواعيد

الإيجابيات: شاطرة الدكتوره واهتمامها وأسلوبها واحساسها بمعاناتي أحسهم خواتي مو دكاترتي حيل راقييين بالتعامل حتى السسترات والموظفات كلهم ناس ذربه ما شاء الله عليهم الصراحة علاجي عندهم افضل من اي مستشفى خاص الحمد الله بس عيبهم يطولون بالمواعيد

نصائح مقدمة منج لغيرج من البنات ؟

خلج متفائله دائماً وأبدا ووقت الترجيع خلج مريحه بس عاد مو ما تتحركين تحريكي بس بحذر ولا تنفعلين خلج هاديه وكثري شرب الماي والحليب وصلي وانتي عالكرسي علشان لا تضغطين عالرحم وكثري الاستغفار والاكثار ما يحتاي أقول من هالناحيه وخلج متفائله ترا النفسية تلعب دور وحسبي روحج انج حامل ب هالفتره الترجيع أصلا انتي حامل بس ناطرته يثبت علشان يكتمل الحمل

إحساااااااسج و شعورج بهالمرحلة ؟

الحمد الله على كل حال هذه رزقه من الله أن كان لي نصيب فيها باخذها طبعا شعوري بيكون طبيعي مثل اي وحده تحلم تكون ام شعوري بالتعب والنفسيه صفر والاكتئاب وغير العوار الي يحوشني ايام العلاج ان كان من منشطات ولا من ايام المراجعات او الاعراض ما بعد السحب بس ارجع وأقول الخيره فما اختاره الله والحمد الله على كل حال وخلج متفائله دائماً ولا تيئسين