بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
ال
سلام عليكم
شلونكم بنات
انا حمواتي وحريم حمواني كل يوم جمعه على وحده تتكفل بالجاي والقهوه والحلو والفطاير والعشا
واذا تحب تضيف اي شي ثاني يميز يومها كيفها
ابي افكاركم ومساعدتكم وخبراتكم شنو مفاجآت او اشياء غريبه وحلوه اقدر اضيفها
طبعا تبدي قعدتنا من بعد صلاة العشا فيدوني بنات ابي شي فناتك
ناطره ردودكم
ال
سلام عليكم
شلونكم بنات
انا حمواتي وحريم حمواني كل يوم جمعه على وحده تتكفل بالجاي والقهوه والحلو والفطاير والعشا
شلونكم بنات
انا حمواتي وحريم حمواني كل يوم جمعه على وحده تتكفل بالجاي والقهوه والحلو والفطاير والعشا
واذا تحب تضيف اي شي ثاني يميز يومها كيفها
ابي افكاركم ومساعدتكم وخبراتكم شنو مفاجآت او اشياء غريبه وحلوه اقدر اضيفها
طبعا تبدي قعدتنا من بعد صلاة العشا فيدوني بنات ابي شي فناتك
ناطره ردودكم
والله عليراحتك
سوي فطاير بعجينة العشر دقايق تكون تقديم سوي بيتزا كبيرة للعشا
سوي حلو كب كيك تلقين بالجمعية العلب الجاهزة وتلقين انواع وياها من داخل الكريمة وزينيها بالكريمة من فوق
او سوي دونات تلقين اهني طريق للدونات وصبي الخلطة بجهاز الدونات وزينية من فوق
كبة بلبن ، ورق عنب ، بشاميل ، كبب ،سله موالح ، سلطات ، ميني بيتزا ، بوب كورن الدجاج ( جاينيز ) كلها شغلات ما تاخذ وقت في تحضيرها ولذيذه عشان بليل ما يثقلون بعد
تبين اعطيج طريقة حلوة للورق عنب والكبة بلبن والجاينيز انا حاضرة
سوي حلووو الكؤوس البلاستك ، تلاقين القلاصات البلاستك مع صينيتهم بالجمعية على دينارين وشي ، الطقم فيه 12 تقريبا مع صينيتهم
سوي فيه حلويات باردة مشكله او نوع واحد
مثلا حلووو فليك او الاوريو او التوووووت او السينامون والحليب او اي شي تحبينه
ارضيه كيك ساراكيك والخلطة اللي تبينه وزيني بقطع الكاكو والا البسكوت والا الحلاو نص ساعه ما يطول
عالعموم العشا اتصور بما انه حمولة اكيد ماشاءالله العدد وايد فانتي مجهزة نفسج ومفكرة شبتسوين
الضيافة
سوي انواع مشروبات حارة غريبة
مثل شاي الفواكة – حليب زنجبيل اذا مو متعودين تحطونه –
اختي بيمعتنا سوت مغات اللي يشربونه المصاروة بالنفاس تحصلينه بالجمعيات وطريقته سهله عالعلبة جنه محلبيه حارة وسايحه بس معاه يوزهند
اشتري موالح صغيرة وحطيهم بصحن استكانة الشاي
ودرابيل ميني وقرص عقيلي وحطيه بصحن كوب الحليب
طلبي وحدة تسوي صاج او اذا عندج مكان معلم شاورما بكامل عدته
وفي محلات كنافة يسوون شغلهم بالبيت عندج
سوي زاوية لليهال ماكينة بوب كورن وشعر بنات واذا تبين نافورة ككاو
هذا اللي في بالي
ام الدرر وين احصل نافورة الكاكاو والبوب كورن اذا تعرفين ارقامهم ياليت تفيديني
ام الدرر وين احصل نافورة الكاكاو والبوب كورن اذا تعرفين ارقامهم ياليت تفيديني
وروحي محل بي كي واخذي الملفوف والورق عنب من عندهم روووعه على 5 دنانير او دقي يوصلونه لج
وواخذي حلو نوعيين
وعلى العشاء حطي كلينكسات نفس السفره نفس اللون وصحون بلاستيك وقفاش وشوك وسكاكيك
جيبيهم معاج او جهزي الطاولة من المغرب ونثري عليها ورد او حطي شمع
وحطي قلاصات فيها 3 انواع عصير وقلاصات ماي
عموماً نصيحتي لج اذا لازم ولابد العشا خلي زوجج يطلبه من بره توج عروس حبيبتي والمفروض الدور مايمشي عليج ولاتكثرين حركات وسوالف كل ماكان شغلج خفيف ومرتب كل ماكان احسن ونافورة الكاكاو والشورما وهالسوالف لاتسوينها الحين نطري شوي هاذي نصيحتي وانتي ادرى بوضعج