10 خطوات فحص القطوه قبل لا تشترينها ()

قووه
حبيبتي راح اعلمج شلون تفحصين القطوه قبل لا تشترينها وهااااااااااااام لكل بنت تبي تشتري قطوه لازم تعرف شلون تفحصها عشان ما تنغش

1- تأكدي من اذون القطوه اذا لقيتها سوده من داخل معناته فيها التهابات بأذنها ومرض

2-تأكدي من نظافة عيونها لانها اذا كانت مقمصه وتفرز دموع وايد معناته عينها ملتهبه او فيها مرض

3- جيكي على اسنانها اذا كانو مبقعين او مكسرين او صفر (البقع دلاله على نقص او مرض اعتقد) والصفار يدل على الاهمال والكسر راح يخليها تاكل الاكل بدون ما تطحنه ويسوي فيها عسر هضم ومرات ترجعه لانه مو مطحون واللثه لازم يكون لونها وردي شاحب صحيه

4-الشوارب يستحسن تكون طويله متساويه مدرجه ( في بعض القطاوه ماعندها شوارب او متساقطه )وفي ناس تقص الشوارب وقصهم مو زين لان يسبب عدم توازن القطوه

5-فرقي الشعر في اكثر من مكان وطالعي داخل طالعي الجلد اذا خالي من اي حشرات او براغيث او اي يمشي داخل ويكون جسمها مافيه بقع خاليه من الشعر

6- اذا شفتي شعرها يتطاير ونتي تفحصينها وتلعبين في شعرها ما انصحج تاخذينها لانها مو مهتمين فيها وراح تضطرين انج تحلقينها وتبدين تعتنين بشعرها من الصفر

7-ضغطي معدتها عالخفيف بدون ما تعورينها واهيه واقفه اذا حسيتي بحصوات يابسه مثل الصخر معناته فيها دود وممكن مرض ثاني

8-القطوه الي متخثله وخامله وتحسينها دايخه هذي مو طبيعيه وعشان تتأكدين اكثر حاولي تلاعبينها بحبل او بأيدج وذا شفتيها مالها خلق هذي مريضه

9-الاظافر جيكي عليهم اذا كان فيه مكسور او مخلوع

10-جيكي على عزج الله المؤخره لازم يكون نظيف وخالي من اي اثر سهال

طبعا هذا فحص مبدأي
واذا اخذتيها وديها البيطري يجيك عليها وعلى حرارتها واهو اخبر اكيد