السلام عليكم.. أنا حبيت أسجل فذا المنتدى لعل وعسى الاقي حل لمشكلتي،، مشكلتي واضحه من عنوانها.. زوجي ط²ط¹ظ„ط§ظ† مني ظˆط§ظ„ظ…طµظٹط¨ط© أن هوآ الغلطان!
أنا عمري 20 تزوجت وعمري 17 سنه،، عندي الآن بنوته ربي يحفظها، زوجي لمن تزوجني كان عمرو 24 الآن عمرو 26،، اهله ساكنين فمكه وانا اهلي بجده.. وساكنه انا معاه فجده لأن هوآ دوامو هنا فجده.. المهم انا كان من شروطي إني أكمل دراستي! وهوآ وافق على ذآ الشرط،، والحمد لله خلصت دراستي الثانويه ودخلت على الجامعه وحملت! ولمن ولدت امي أخذت بنتي عندها بحكم انو أنا عندي دوام وزوجي رافض يجيب لهآ مربيه لأنو خايف عليهآ، وأمي وحده كبيره بالسن وتعبانا من خشونة رجولها الله يشفيها ويطول فعمرها،، اتفقت معاه انو نسكن فعمارة اهلي عشان البنت ماشاء الله كبرت وبدت الشقآآآوه! وافق وعجبتو الفكره لأنو هوآ مرآ متعلق باخواني ويحب يجلس ويطلع معاهم دايماً.. كلمت ابويآ ووافق وقال لي بيطلع واحد من مستأجرين العماره عشان نسكن بدالو،، طلع المستأجر ولمن طلع جا زوجي وقال انا عندي اجازه وبروح عند اهلي مع انو هوا كل أسبوع يروح! تخيلو انو كل جمعه وسبت يقضيها عند اهلو بدآل مآ يطلعني فيها ويمشيني،، سكت وقلت طيب ولمن رجع من مكه بعد اسبوع قال لي بروح على مصر!! وهوآ أصلاً مايسافر برآ المملكة أبداً لأنو انا أرفض فكرة سفر الرجال من دون زوجتو خاصم وزعل وقال لآ بسافر عشان خاطر يحضر زواج صاحبو وما رضي ياخذني معاه!! وقال لي لآ تزعلين اول مآ ارجع من مصر بأثث البيت اللي عند اهلك عشان ننقل! سكت وسافر وجلس هنآكآ أسبوع مع انو قال لي بجلس بس يوووومين!! يعني كذب عليه!! سكت واكلت هواء ولمن رجع قلتلو يلآ عشان نجهز اغراضنا للنقل قال لآ انا بروح أسلم على امي!! قلتلو انتآ قبل مآ تسافر مصر كنت عند اهلك اسبووع كامل!! قال إنتي ماتحرميني من أهلي ولآ ترا بطلقك!! سكت وراح جلس اسبوووع كمآنآ والفترة دي كلهآ وانا مرميه عند اهلي!! وبعد مآ خلصت اجازتو اتصلت عليه وهوآ فالخط راجع من مكه قال أنا ماعاد ابغا البيت اللي عند اهلك تبغين نرجع بيتنا اللي احنا فيه والبنت لو امك تعبآنآ منها بوديها عند أمي!!!!!!!
انا عصصصصصصبت بس مع كذآ مسكت اعصابي ولا خاصمت أو صرخت علشان مايمسكها عليه حجه،، قلت لو شوف انا ماني طالعه من بين اهلي إلا للبيت اللي أنتا وعدتني فيه قبل ماحضرتك تسافر انا مو لعبه عندك تقول لي كلام عشان اسكت على سفرتك وتقضيتك لاجازتك بعيد عني بدآل ماتسفرني وتمشيني غير دآ الكلام انا ماعندي!! وقفلنا الخط وكانت دي آخر مكالمه بيني وبينو!! لنا الآن أسبوعين ماكلمنا بعض أبداً اهلي عرفو بالسالفه وعصبو وقالو إنتي مو غلطانه ولآ راح ترجعين له إلا لمن يجي ونتفاهم معاه!! وهوا خلا امو تكلم امي عشان تقول لها انو مايبغا البيت قالت امي والله ولدك اللي وعدها ولآ كان بس يسكتها عشان يقضي اجازتو بعيد عنها ويتونس!!
قولو لي ايييش رأيكم هل أنا فعلاً غلطانه؟!!
وايش الحل برأيكم؟؟؟؟
السلام عليكم.. أنا حبيت أسجل فذا المنتدى لعل وعسى الاقي حل لمشكلتي،، مشكلتي واضحه من عنوانها.. زوجي ط²ط¹ظ„ط§ظ† مني ظˆط§ظ„ظ…طµظٹط¨ط© أن هوآ الغلطان!
أنا عمري 20 تزوجت وعمري 17 سنه،، عندي الآن بنوته ربي يحفظها، زوجي لمن تزوجني كان عمرو 24 الآن عمرو 26،، اهله ساكنين فمكه وانا اهلي بجده.. وساكنه انا معاه فجده لأن هوآ دوامو هنا فجده.. المهم انا كان من شروطي إني أكمل دراستي! وهوآ وافق على ذآ الشرط،، والحمد لله خلصت دراستي الثانويه ودخلت على الجامعه وحملت! ولمن ولدت امي أخذت بنتي عندها بحكم انو أنا عندي دوام وزوجي رافض يجيب لهآ مربيه لأنو خايف عليهآ، وأمي وحده كبيره بالسن وتعبانا من خشونة رجولها الله يشفيها ويطول فعمرها،، اتفقت معاه انو نسكن فعمارة اهلي عشان البنت ماشاء الله كبرت وبدت الشقآآآوه! وافق وعجبتو الفكره لأنو هوآ مرآ متعلق باخواني ويحب يجلس ويطلع معاهم دايماً.. كلمت ابويآ ووافق وقال لي بيطلع واحد من مستأجرين العماره عشان نسكن بدالو،، طلع المستأجر ولمن طلع جا زوجي وقال انا عندي اجازه وبروح عند اهلي مع انو هوا كل أسبوع يروح! تخيلو انو كل جمعه وسبت يقضيها عند اهلو بدآل مآ يطلعني فيها ويمشيني،، سكت وقلت طيب ولمن رجع من مكه بعد اسبوع قال لي بروح على مصر!! وهوآ أصلاً مايسافر برآ المملكة أبداً لأنو انا أرفض فكرة سفر الرجال من دون زوجتو خاصم وزعل وقال لآ بسافر عشان خاطر يحضر زواج صاحبو وما رضي ياخذني معاه!! وقال لي لآ تزعلين اول مآ ارجع من مصر بأثث البيت اللي عند اهلك عشان ننقل! سكت وسافر وجلس هنآكآ أسبوع مع انو قال لي بجلس بس يوووومين!! يعني كذب عليه!! سكت واكلت هواء ولمن رجع قلتلو يلآ عشان نجهز اغراضنا للنقل قال لآ انا بروح أسلم على امي!! قلتلو انتآ قبل مآ تسافر مصر كنت عند اهلك اسبووع كامل!! قال إنتي ماتحرميني من أهلي ولآ ترا بطلقك!! سكت وراح جلس اسبوووع كمآنآ والفترة دي كلهآ وانا مرميه عند اهلي!! وبعد مآ خلصت اجازتو اتصلت عليه وهوآ فالخط راجع من مكه قال أنا ماعاد ابغا البيت اللي عند اهلك تبغين نرجع بيتنا اللي احنا فيه والبنت لو امك تعبآنآ منها بوديها عند أمي!!!!!!!
انا عصصصصصصبت بس مع كذآ مسكت اعصابي ولا خاصمت أو صرخت علشان مايمسكها عليه حجه،، قلت لو شوف انا ماني طالعه من بين اهلي إلا للبيت اللي أنتا وعدتني فيه قبل ماحضرتك تسافر انا مو لعبه عندك تقول لي كلام عشان اسكت على سفرتك وتقضيتك لاجازتك بعيد عني بدآل ماتسفرني وتمشيني غير دآ الكلام انا ماعندي!! وقفلنا الخط وكانت دي آخر مكالمه بيني وبينو!! لنا الآن أسبوعين ماكلمنا بعض أبداً اهلي عرفو بالسالفه وعصبو وقالو إنتي مو غلطانه ولآ راح ترجعين له إلا لمن يجي ونتفاهم معاه!! وهوا خلا امو تكلم امي عشان تقول لها انو مايبغا البيت قالت امي والله ولدك اللي وعدها ولآ كان بس يسكتها عشان يقضي اجازتو بعيد عنها ويتونس!!
قولو لي ايييش رأيكم هل أنا فعلاً غلطانه؟!!
وايش الحل برأيكم؟؟؟؟