طريقة عمل النجرسكو بالفراخ و المشروم

الكمية تكفي: 3 أشخاص
وقت التحضير: 10 دقائق
وقت الطهي: 30 دقيقة
المقادير: كيس مكرونة اقلام بتاعة البشاميل مسلوقة
1/2فراخ مسلوقة ومقطعة قطع كبيرة شوية
مشروم شرائح حسب الرغبة لو مش بتحبيه بلاش
2جزر مبشور
2فلفل اخضر مبشور
ملح فلفل اسود
1 بصلة مبشورة
بشاميل
زيت
جبن موتزاريلا مبشور
الطبخ: حطى زيت قى المقلاة وحطى البصل لحد ما يصفر وبعدين حطى علية قطع الفراخ والمشروم وقلبى وحطى الجزر والفلفل المبشور وملح وفلفل وقلبى حوالى 10 دقائق واطفى علية

تعالى اعملى البشاميل وهو على النار اول ما حيبدا البشاميل يغلى حطى الخليط اللى عملناة على البشاميل وشوية جبنة عليهم وقلبى دقيقة واطفى عليييه

تكونى جايبة صينية بايريكس وتحطى فيها المكرونة المسلوقة وتحطى عليه 1/3 الخليط وتقلبيه فيها علشان المكرونة كلها يدخل فيها الطعم وبعد كدة نحطى باقى الخليط على الوش وتحطى الجبنة وتدخلية الفرن او الميكرويف 10 دقائق لحد ما الوش يحمر
وبالهنا والشفا