طبخات منوعة بالصور والخطوات

مرحبا صبايا ..
أمس قررت أدخل المطبخ وأعمل فطور من تحت دياتي لمدرسات مدرسة أمي الدبيات إلا يبوني أطبخ لهم

وكان الفطور عباره عن /
عجة الخضار بالزيتون والجبن ..
أصابع خضار ..
عدس ..

.. أول شي العجه ..

3 جزرات مقطعه دوائر
بطاطسه مقطعه مربعات ..
3 حبات طماط شرايح ..
2 فليفه شرايح ..
كاس صغير بقدونس مفروم ..
بهارات ..
3 ملاعق زيت ..
نسكب الزيت بالصينيه ونفرغ هالخضار بالصينيه

ونخليه ع النار لحد مااينضج إذا احتاج الأمر نسكب فيه شوية مويه نضيف له
وهيك يصير شكلها لما تنضج الخضار ..

بعد ماتنضج الخضار ناخذ ( 8-10) بيضات ونضيف لهم ملح وبهار
وبعدين4 ملاعق جبن بوك ونخفقهم مع بعض بعدين نضيف علبة زيتون اسود مقطع ..

ونسكبهم فوق الخضار ..

نتركهم ع النار لحد ماايستوي البيض

ويقطع قطع صغيره ويقدم ..
كمان ممكن نحمره ع النار بس أنا سويته الفجر وماأعرف اشغل الفرن من فوق

/
:
/
طبقي الثاني كان عباره عن
أصابع الخضار ..
ومقاديرها
بصلتين مقطعين صغار مره ..
جزرتين مبشورين ..
بطاطسه مقطعه مربعات صغيره مره ..
كوسايتين مقشرين ومقطعين صغار مره ..
فليفله مربعات صغيره ..
كاس صغير بقدونس ..
أخذت أول شي البصل مع شوية زيت وع النار ظليت أقلب فيه لحد ماصار لونه ذهبي مثل هالصوره ..

بعدين نضيف له البطاطا والكوسا ونقلب فيه بين فتره وثانيه لحد مااينضج ونضيف له الجزر والفليفله مثل هالصوره ..

نقلبهم مع بعض شوي بعدين نضيف البقدونس والبهارات كامله نتركهم بس دقايق بعدين نضيف لهم ملعقة جبن بوك وملعقه مايونيز ..

نخلطهم مع بعض وبعدين نرفعهم من النار وبيصيروا بهالشكل ..

بعدين ناخذ خبز ونقطعه أربع قطع بيصير شكله مثلث نفتح الخبزه ونحشيها بالخشوه للي عندنا مثل هالصوره
هذي الحشوه

وهالحين حطينا الحشوه بالخبز مثل هالصوره

وبطرف الخبزه نمسحها بشويه جبن عشان تقفل .. وهيك خلصنا لفاف من الخبز ..

بعدين نقليهم ..

وهيك خلصنا وصحتين وهنا ..

/
:
/

الطبق الثالث كان /
عدس ..
أخذت ..
بصلتين مقطعين مربعات وشوية زيت أو زيت زيتون واقلب بالبصل لحد ماايصير لونه ذهبي مثل هالصوره ..

بعدين أضفت له 5 طماطات عملتهم عصير ومعهم فلفلة وحده دراز وحطيت ملح وبهار بس كثرت من الكمون حتى تكن أطيب

تركتهم شي عشر دقايق واضفت لهم عدس

العدس طبعا بيكون مجهز من قبل كاسين عدس غسلتهم بعد كذا أشفت لهم مااي لحد ماايغطي العدس شوي ..
وهيك بيكون العدس مع البصل والطماط أتركهم ع النار لحد ماايستوي العدس ممكن ياخذ ساعه أو أقل ..
وهيك شكله وهو ع النار ..

وهيك لما خلصت منه ..

وصحتين وعافيه ..