الكبة المقلية المقرمشة الشهية بالصور

المقادير والطريقة:

اول شي انا استخدمت كيلو برغل ناعم منقوع لفتره قليله بشوية ماء .
وخلطت معه نص كيلو لحم مفروم وطحنتهم مع بعض بماكينة اللحمه .
بيصير بعد هيك عجينه حطيت لها ملح وبهار ومعلقتين نشا كبار عشان تصير مقرمشه بعد القلي .
بعد هيك حضرت الحشوه واللي هي عباره عن بصله او اكتر مفرومه ناعم بنقليها بالزيت شوي وبعدين
بنضيف لها اللحمه المفرومه وبنبهرهم بالملح والبهار والفلفل والحب هال والسماق على ما يستووا على النار
هلأ صار دور نحضر الكبه بنشكل دوائر من العجينه بحجم متوسط وبعدين بنفتحهم من النصف
بعد هيك بنحشيهم باللحمه والبصل وبنعملهم متل شكل الكبه المعروف
هلأ صار دور القلي بنقليهم بمقلى غميق والزيت لازم يكون حار
انا عملت معهم شوربة عدس بس ما قدرت انزل الصور هلأ لانهم صاروا كتار ..