قصيدة في رثاءالغاليه

قهر يا غاليَه رحتي في دار ابعيد ماطاها
سنين اطوال على فقدك و عيني ما نشف ماها

تركتيني يحطمني جنون الوقت و الأيام
حياتي من بعد فقدك سواد الغيم غطاها

ما عاد بدنيتي لذه نجاحي و الفشل واحد
تركنا عقبك الفرحه على الهامش تركناها

صغير البيت ينشدني ماما وينها قولوا
صحيح الموت ياماما عند الله وداها

عجزت أشرح من أحزاني خبايا الموت لأطفالي
طفل يقول وين أمي ؟ أروح الموت و ألقاها

قهر لو دهر أنا عشته حياتي ما لها معنى
سفينه في بحر هايج تاهت ضاع مرساها

أمي نور قدامي ينور لي ظلام الليل
قمره بالسما أمي جاها الغيم و أخفاها

قمره هلْت بكفوفي عليها من الترايب هَلْ
بكت غيمه عليها فوق ناحت يوم فرقاها

عسى الفردوس بأنهاره مسكن غاليَه فيها
تشرب من نهر صافي لباس الحور يزهاها