البنات والشباب

السلام عليكم

البنات والشباب

يسألوني ويش يحـــــبن
البـنـــات بها الشبــــــاب

ألحكي والـــــلا الحـــــلا
واللا التكشخ بالثــــــياب

والــلا تطويــــل الشـعــر
أوهوبتحسيــن الشــنـاب

والــلا بالمـــوتر يـــرزه
بكل حـــارة وكـل بــــاب

أو يحبن يا للي "إيــــزي"
واللي يلبس جنز وكـاب

واللا رسمي وله وظيفة
وواسطة لكل الصحــاب

واللا يا للي ولـد نعمـــة
ومرتكي فوق السحــاب

قـالو خبرنا يا شــــــاعر
حن نبـي منـــك الجـواب

قلت أنا عنــدي طلـبــكم
أسمعــوا مني الصــواب

بــنت حـــوا نــــص ادم
من عرفها ضاع وشاب

تبتســـم دنيـــاك منـــها
وهي جنـه وهي عــذاب

وهي فرحة وهي قرحة
وهي غصة وهي شراب

وهي محلا يوم تضـحك
بــس لها عشـــرين ناب

بيوم مثل الفجر صـافي
ويوم ليــل وبه ضبـــاب

ويوم مسهل من تصلها
ويوم هـي مثل السـراب

ويوم ماحلا من وجهها
ويــوم يا حــلو الـغـراب

هذا طبعـــك بنـت حــوا
حية فـي حــرش غـــاب

بــنت حــوا ما تحــــبك
لــــو قلبــــها فيـــك ذاب

بــنت حــوا تحـب مالك
تشــتري أحـــلا الثـــياب

وأغلـى أنواع الجـواهر
والأســـاور والأطــــياب

ويمكـن تحـــبك دقــيقة
وأنت تـدفع ها لحســاب

ولو رفضت بيوم تدفع
تحلف إن ما عمره جاب

لكن استثني الأصـــيلة
بــنت عالــين الــرقــاب

صـاحبة ديــن وفضيلة
وصاحـبة ستر وحجـاب

ذيـك يرضيــها قلـيـلك
ولو هو علقم منك طـاب

اللي تصبر يوم ضيقك
ولا تزيــدك في العتــاب

وتمسك عيالك ومـالك
وتسـندك يــوم المصـاب

أمـك وأختك وعرضـك
وأغلـى غالـــين الأحباب

وسلامتكم