انتهت المسرحيه

السلام عليكم
حبايبي مما راق لي وحبيت انقله لكم واتمنى ينال اعجابكم

انتهى دوري وحظـي للأسـف ارخـى الستـار
&بعـد مـا خضـت البطولـه فـي ليـالٍ سرمديـه

&كنت نجمـه ساطعـه يخـرق سناهـا هالمـدار
&كنـت تحفـه فـي زمانـي صاغهـا رب البريـه

&ولا دخـل هالقلـب كبـر ولا عرفـت الاحتـقـار
&كـل خلـق الله بكونـه وعزتـه عنـدي سـويـه

&لـكـن الأيــام دارت ومــن رداهــا الـحـظ دار
&انقلـب كـونـي ونـاسـي ولا بقـالـي مقـدريـه

&صرت ألوم الطيب فيني يوم ظلم الناس جار
&مادريـت ان الوفـاء والصـدق بالدنيـا خطيـه

&انجبرت بصغر سني اخطو فـي ذات المسـار
&مادريـت انــه تشـعـب لــه مـسـاراتٍ خفـيـه

&صار فكري في شتات وقلبي المسكيـن حـار
&ولا قـدرت أوصـل بتقديـري لقـراراتٍ سويـه

&هو صحيح أنهيت دوري ؟

&هو صحيح أرخو الستار ؟

&وإلا زيفٍ في منامي وده يسيطر عليه

&يا مرايـا علمينـي .. قصتـي لـو باختصـار !
&وين أنا وش ها لملامح ماخبرت الشيب فيه ؟

&ويـن راح الـي لعينـه انتهـى شمعـي انصهـار
&هــو مـقـدر لــي وفـايــه ولا حـالــه كالبـقـيـه

&يا دفاتر .. يـا قلـم .. يـا حـروفي شلـي صـار؟
&يالله احكي لـي بقصـة واقـع (ن) مـا عـاد ليـه

&يا ليالي روفي فينـي هالصبـر فـي القلـب ثـار
&صـلّـه القـاسـي بقلـبـي ورث الـنـيـران حـيــه

@مـن يترجـم لـي شعـوري قلبـي مـل الانتـظـار
@ويـن أهلـي ويـن ناسـي ويــن أيـامـي النـديـه

@كلـهـم حـولـي ولـكـن ارتـــدوا عـنــي غـمــار
@كـل شـيٍ يحمـل اسمـه اختلـف شكلـه عليـه

@بغمض عيوني عساني بالحلم والحلم غار

@وافتح عيوني والاقي واقعي ينعاد ليه .. !

@بس خلاص ..

@انتهـى دوري وحظـي للأسـف ارخـى السـتـار

@صرت طيفٍ عايشن بك يالليالي السرمديه . !

@يالله نامـي يـا عيونـي الفـكـر جــاه انهـيـار
@انتهـى دوري وباقـي فـي حـراء يــوم المنـيـه

@بـس رجيتـك يـا ظنونـي لا تقـولـي الانتـحـار
@احذري الشيطان شاطـر فـي وساويسـه دنيـه

@بس خلاص .. أرخو الستار ..

@انتهت هالمسرحيه.. !