اغنيها من الضيقه ولو كان الحروف شحاح

قصيده مميزه

اغني ليلي المقبل وانا اندب ليلي الي راح
واظن ان الشبه واضح حقايقها خياليه,,,

ردي الحظ مايفرح ليامني لقيت افراح
تقول انه مع همي موقع اتفاقيه..

اكن الهم من صغري وسدي للبشر ماباح
ولكن بان في وجهي من الصكات ماريه,,,

صدوف الوقت ماترحم ولكن العلم ماطاح
وراسي مارضى ذله ولو عيني شقاويه…

تهب الريح في دربي واخيل البارق الي لاح
مع انه مالحقني من مزونه غير محقيه,,,

ادرجها ومستويه سوى المسرى او المسراح
تساوت والبقى في راس شعري مع قوافيه…

خيالي من شقى حالي توسع فالافق واجتاح
طروقن وانتقى من اجزل القيفان منقيه,,,

اغنيها من الضيقه ولو كان الحروف شحاح
كذا تاتي بلا مقصد مع السجات عفويه..

راقت لي