مابه شي بالغصب

إثر مابه شي بالغصب حتى فالقصيد
لو يزين الوزن والقاف ويزين الادا
بيني وبين القوافي ندا هل من مزيد
غير هاجوسي معيي ولا اجاب الندا
كل ما جريت صوتي على الطرق الجديد
لا بدعت البيت واردفته بالآخر غدا
بس لاجت فكرة ابداع من عقل رشيد
وحاشها شي ٍ من الشوق ما قالت بدا
ودنا بالطيب والطيب فالطيّب يزيد
ما يجوز يجازي الطيّب الطيّب ردا
وانت يا هاجوسي سنافي وشبحك بعيد
لازم انك تسمع الصوت وترد الصدا
ما لحقني شك وانت تعرفني والوكيد
إني مسامحْك تسمح وتنسى ماعدا
واحدٍ كانك بتنساه منت بمستفيد
والله إن انساك مادام بي حيل وجدا
راس مال الشعر والربح كله والرصيد
هو خبر قافي ومعناي واول مبتدا
فيه ما لذ وما طاب وما كنت اريد
وفيه هقواتي مع الوقت ما راحت سدا
وفيه عشق ٍ غير عن باقي اقرانه فريد
شي لا يوصف ولا ادري خطا والا قدا
قد تملّكني محبّه وحط القلب ميد
كل ما حاولت اوصّل نهاياته بدا
تل شرياني وسيطر على ضخ الوريد

وكل ما حب يتسلا غدا قلبي فدا
فدوته ما دامه قريّب وما ابعد بعيد
المهم اني ليا جيت يرضا ويهدا !!