متى تحس ان الهوى شي مقسوم

إفتح شبابيك الهوى جيتك اليوم
بإحساس من زود الوله وده يطير..

جيتك مثل طفل له ايام محرووم
عن حضن امه ابعدته المقادير..

وجيتك مثل شايب له ايام مهموم
وده يلاقي بأخر الوقت تقدير..

وجيتك حضن عاشق وهايم ومغروم
وده يضمك لين تصبح على خير..

متى تحس ان الهوى شي مقسوم
من قسمة الخالق على خلقه يصير ..

ومتى تحس اني لك اطيح واقوم
واتعب على شانك واقدرك وآغير..

لي في هواك أحلام وأمال وعلوم
وأحزاب وأصحاب وقصيد وجماهير..

وهموم وأفكار وهواجيس وحلوم
وإدروب وأخطار وعذاب ومشاوير..

وحب وغلا وإخلاص ومعاند ولوم
وإحساس وإلهام وشعور وتفاكير..

وصحبه سهر ومقاطعة لذة النوم
وأشواق جياشه وعشق وتعابير..

في ذمتك ما بان لك شي مكتوم
من بعد ما صورت الاوضاع تصوير..

لا تحسب انك شي عابر ومعدوم
وتاريخ حبك فاق كل الاساطير..

كني لقيتك بإغنيه لأم كلثوم
وكني قريتك في رواية شكسبير..

في كل شي أتخيلك وأسمعك دوم
وأتأملك في الوقت الاول والاخير..

من ماضي الايام لايومك اليوم
وغلاك عندي ما حصل فيه تغيير..

وأنا لك الله ما أقبل البيع والسوم
ولا أرضى علي ولا عليك المخاسير..

لأني الوحيد الي على بحرك يعوم

واللي عرف مرساه في رحلة السير..

لحظه حبيبي قبل يسبقني النوم
بضم صدرك لين تصبح على خير..

راقت ليٍ . .
وديٍ . .}